मुंबईची खबर: आता, वाहतूक कोंडीची चिंता मिटणार! मुंबईतील 'या' खाडीवर बांधला जाणार पूल...

नगरपालिकेकडून या प्रोजेक्टला ग्रीन सिग्नल मिळाला आहे. खरं तर, मालाडमध्ये मोठ्या आयटी कंपन्या आणि फिल्म स्टूडिओ असल्यामुळे सकाळी आणि संध्याकाळी गर्दीच्या वेळी तासन्तास गाड्याच्या रांगा लागतात आणि त्यामुळे मोठी वाहतूक कोंडी होणार आहे. मालाड हा पश्चिमी उपनगरांना जोडणारा महत्त्वाचा दुवा असल्याने या प्रोजेक्टमुळे मुंबईकरांना मोठा फायदा होणार आहे. 

प्रोजेक्टचे दोन टप्पे 

या वर्षीच्या सुरूवातीला नगरपालिकेने या परिसरात दोन एलिव्हेटेड रोड बनवण्याचा प्रस्ताव दिला होता. हा प्रकल्प दोन टप्प्यात विभागला जाणार असून पहिल्या टप्प्यात रामचंद्र नाला परिसरात एक एलिव्हेटेड रोड बांधला जाणार आहे. यामुळे, एमडीपी रोड ते मालाडमधील मालाड-मार्वे लिंक रोडपर्यंत वाहतूक कोंडी कमी होईल. तसेच, दुसऱ्या टप्प्यात 792 मी. लांब फ्लायओव्हर बांधला जाणार आहे. हा रोड मालाडमधील इन्फिनिटी मॉलपासून सुरू होऊन थेट लिंक रोडला कनेक्ट होईल आणि नंतर मालावणीमधील महाकाली मार्गापर्यंत पोहोचेल. लिंक रोड ते मालवणी पर्यंतचा परिसर मालाड खाडीवर कॉजवे म्हणून बांधला जाईल. 

हे ही वाचा: Govt Job: नाबार्डच्या 'यंग प्रोफेशनल प्रोग्राम'मध्ये सहभागी व्हा! तरुणांसाठी सरकारी नोकरीची सुवर्णसंधी...

दुसऱ्या एकूण 792 मीटर लांबीपैकी 396 मीटर लांबीचा पूल कॉजवे असेल. हा कॉजवे पूल 36.6 मी असून तो 8 लेनचा असेल. या प्रोजेक्टसाठी 2225.95 कोटी रुपये अंदाजे खर्च होणार असून काम सुरू झाल्याच्या तीन वर्षांनंतर, तो पूर्ण होणार असल्याची अपेक्षा आहे. हे दोन्ही ब्रिज एकमेकांना कनेक्ट होतील. यापैकी एक पूल पूर्व-पश्चिमेकडे तर दुसरा एलिव्हेटेड रोड उत्तर-दक्षिण दिशेने जाईल. हे पूल पश्चिमेकडील परिसरात वाहतूक कोंडी कमी करण्यास मदत करतील. 

हे ही वाचा: मुंबईत महापालिकेसाठी काँग्रेस-वंचित आघाडीनं युतीची घोषणा केली, कोण किती जागा लढणार? आकडा समोर

कधी निघालं टेंडर? 

या प्रोजेक्टची निविदा ऑक्टोबरमध्ये काढण्यात आली होती आणि सध्या टेंडरचं इव्हॅल्युएशन सुरू आहे. गेल्या आठवड्यात इव्हॅल्युएशनसाठी टेंडरचं 'पॅकेट सी' उघडण्यात आलं होतं. अधिकाऱ्यांनी दिलेल्या माहितीनुसार, हा प्रोजेक्ट पर्यावरणदृष्ट्या सेन्सिटिव्ह क्षेत्रातून जातो, यामुळे उच्च न्यायालयाकडून ना-हरकत प्रमाणपत्र आणि आवश्यक परवानग्या मिळाल्यानंतरच प्रत्यक्षात बांधकाम सुरू होईल.