Govt Job: नाबार्डच्या 'यंग प्रोफेशनल प्रोग्राम'मध्ये सहभागी व्हा! तरुणांसाठी सरकारी नोकरीची सुवर्णसंधी...

काय आहे पात्रता? 

या भरतीमध्ये सहभागी होण्यासाठी उमेदवारांकडे संबंधित क्षेत्रात ग्रॅज्युशन किंवा पोस्ट ग्रॅज्युशनची डिग्री असणं आवश्यक आहे. यासोबतच, भरतीच्या प्रक्रियेदरम्यान उमेदवारांकडे कार्याचा अनुभव असणं सुद्धा गरजेचं आहे. तसेच, उमेदवारांसाठी किमान 21 वर्षे आणि कमाल 30 वर्षे वयोमर्यादा निश्चित करण्यात आली असून 1 नोव्हेंबर 2025 तारखेच्या आधारे उमेदवारांच्या वयाची गणना केली जाईल. 

कशी होईल निवड? 

या भरतीसाठी उमेदवारांची निवड दोन टप्प्यांत केली जाणार आहे. पहिल्या टप्प्यात भरतीसाठी उमेदवारांनी केलेल्या अर्जांची कमिटीकडून स्क्रीनिंग (छाननी) केली जाईल आणि त्या आधारे उमेदवारांना शॉर्टलिस्ट केलं जाईल. त्यानंतर, पहिल्या टप्प्यात निवड झालेल्या उमेदवारांना मुलाखतीसाठी आमंत्रित केलं जाणार आहे. इंटरव्ह्यूच्या आधारेच, नियुक्त झालेल्या उमेदवारांची फायनल लिस्ट जाहीर केली जाईल. 

हे ही वाचा: ऑनलाइन गेमिंगमध्ये पैसे हारला अन् नैराश्यातून 24 वर्षीय तरुणाचं टोकाचं पाऊल!

अर्जाचं शुल्क 

या भरतीमध्ये सहभागी होण्यासाठी उमेदवारांना 150 रुपये अर्जाचं शुल्क भरावं लागणार आहे. तसेच, ऑनलाइन माध्यमातूनच उमेदवारांना हे शुल्क भरता येणार आहे. 

कसा कराल अर्ज? 

1. या भरतीसाठी अर्ज करण्यासाठी उमेदवारांना सर्वप्रथम ibpsreg.ibps.in/nabardoct25/ या अधिकृत पोर्टलला भेट द्यावी लागेल. 
2. त्यानंतर, वेबसाइटच्या होमपेजवरील click here for New Registration वर क्लिक करा आणि आवश्यक माहिती भरून रजिस्ट्रेशन करा. 
3. आता उर्वरित माहिती भरून अर्ज पूर्ण करा. 
4. तसेच, फोटो आणि सही योग्य आकारात अपलोड करा. 
5. नंतर, अर्जाचं शुल्क भरून फॉर्म सबमिट करा. 
6. शेवटी, अर्ज भरल्यानंतर त्याची प्रिंटआउट काढून ती भविष्यासाठी सुरक्षितरित्या ठेवा.