Pune: तरूणीला OYO हॉटेलवर नेलं, गरोदर राहिली.. तिच्या मैत्रिणीसोबतही शरीरसबंध, हिंजवडीतील धक्कादायक प्रकार

हेही वाचा : Mumbai Weather: समुद्रही खवळणार! वादळी वाऱ्यांसह मुंबईला झोडपणार मुसळधार पाऊस, रेल्वे वेळापत्रकावरही होणार परिणाम?

नेमकं प्रकरण काय? 

पीडिता आणि आरोपी हे हिंजवडीतील एकाच आयटी पार्क कंपनीत काम करायचे. पीडिता ही कंत्राटदार आहे, तर आरोपी हा इंजिनियर आहे. 2018 पासून त्यांचे प्रेमसंबंध होते. आदर्श वाल्मीक मेश्रामने अनेक तरुणींना लग्न करण्याचं खोटं आश्वासन द्यायचा आणि नंतर तरुणींसोबत शरीरसंबंध ठेवायचा. 

शरीरसंबंध ठेवण्यास नकार दिल्यास मारहाण

पीडितेनं लग्नाचा विषय काढल्यानंतर तो त्या विषयाकडे दुर्लक्ष करायचा. याचदरम्यान पीडितेनं पोलीस ठाण्यात तक्रार दाखल केली की, आदर्श वाल्मीक मेश्रामचे इतर तरुणींसोबत प्रेमसंबंध होते. 2024 मध्ये त्याने एका पीडितेला लग्नाचं आमिष दाखवून हिंजवडीच्या oyo हॉटेलमध्ये नेलं आणि तिच्याशी शरीरसंबंध ठेवले. जर संबंध ठेवण्यास नकार दिल्यास तरुणींना मारहाण करायचा असा आरोप करण्यात आला.

23 जून 2025 या आदर्शच्या वाढदिवशी पीडित तरुणी ही यवतमाळहून पुण्याला आली होती. आदर्शचा मोबाईल फोन पाहिल्यानंतर पीडितेला समजलं की आदर्शचं इतर काही तरुणींसोबत प्रेमसंबंध होते. दरम्यान, शरीरसंबंध ठेवल्याने पीडित तरुणी गर्भवती राहिली होती. तेव्हा पीडितेनं आदर्शच्या जुन्या मैत्रिणीशी संपर्क साधला असता, आदर्शच्या कारनाम्यांचं बिंग फुटलं. आदर्शने तिच्याही एका जुन्या मैत्रिणीशी शरीरसंबंध ठेवले होते, अशी माहिती समोर आली. 

हेही वाचा : Maharashtra Weather Today: कोकणासह रायगड, रत्नागिरीत जोरदार पाऊस, पुणे जिल्ह्यांसह काही भागात मान्सूनची स्थिती कशी?

अजूनही नराधमावर कारवाई नाही

दरम्यान, पीडितेसोबतही आरोपी आदर्शने शरीरसंबंध ठेवले होते. त्यामुळे पीडिता गर्भवती राहिली. आदर्शला हे मुल नको होतं, त्यामुळे आदर्शने पीडितेला रबडीत गर्भपाताच्या गोळ्या मिसळल्या. ज्यानंतर तिचा गर्भपातही झाला. दरम्यान, आरोपीने असं कृत्य करूनही त्याच्यावर कोणतीही कारवाई झालेली नाही. तर पोलिसांच्या मते, संबंधित प्रकरणाचा तपास सध्या सुरू आहे.