पुण्याच्या तळेगाव दाभाडे परिसरात रस्ता फोडून उसळला पाण्याचा फवारा, Video व्हायरल

हे ही वाचा : नागपूरमध्ये महिलेनं नवऱ्याच्या हत्येसाठी 1 लाखांची दिली सुपारी, झटक्यात गेम केला ओव्हर

तळेगाव दाभाडे परिसरात रस्त्याखालून पाणी वाहू लागलं

हा व्हिडिओ पुण्याच्या तळेगाव दाभाडे परिसरातील आहे. त्या व्हिडिओत निकृष्ट बांधलेल्या रस्त्याचा दर्जा दिसून येतो. त्याच बांधलेल्या रस्त्यातून अचानकपणे पाण्याचा लोट येताना दिसत असल्याचं व्हिडिओत दिसून येतंय.  

नगर परिषदेच्या प्रमुखानं कंत्राटदाराला धारेवर धरलं

घडलेल्या घटनेनुसार, सुमारे दीड वर्षांपासून रस्त्याखाली पाण्याची पाईपलाईन टाकण्यात आली होती. मात्र, रस्त्याच्या नुतनीकरणाचे काम करण्यापूर्वी कंत्राटदाराने पाईप जोडणं अपेक्षित होतं, मात्र ती पाईप जोडली गेली नाही. याचमुळे डांबरी रस्त्यातून पाण्याची गळती होऊ लागली.   

या प्रकरणी तळेगाव नगर परिषदेचे प्रमुख गिरीश दापकेकर यांनी काम करणाऱ्या कंत्राटदाराला धारेवर धरलं. या कामाला दापकेकर जबाबदार असल्याचं ते म्हणाले. पाईपलाईनच्या कामाची पुनर्बांधणी करण्यात यावी, यासाठी संपूर्ण खर्च संबंधित कंत्राटदारांकडूनच वसूल केला जाईल, असे ते म्हणाले.  

हे ही वाचा : पैसा-पाणी: पेट्रोलमध्ये Ethanol मिसळण्याचं काय आहे सत्य?

पुण्याच्या या परिसरात वाहतूक खोळंबा 

दरम्यान, पुण्यासह राज्यभरात मुसळधार पावसाने हजेरी लावली आहे. शहराच्या ठिकठिकाणी परिसरात वाहतूक कोंडीची समस्या निर्माण झाली. अशातच पुण्याच्या अलका चौक ते स्वारगेट टिळक रस्ता, अलका चौक ते दांडेकर पुलापर्यंत, तसेच स्वारगेटच्या शिवाजी रस्ता, मॉडर्न कॉलेज ते खंडोजी बाबा चौक परिसरापासून जेएम रोड परिसरात पावसाने हजेरी लावल्याने परिसरात वाहतूक कोंडी निर्माण झाल्याचं चित्र आहे.  पुणे स्थानक परिसरातही अशीच स्थिती पाहायला मिळते.