पुणे: 'स्पर्धा परीक्षांच्या अभ्यासाचं दडपण...' पुण्यात MPSC ची तयारी करणाऱ्या तरुणाने संपवलं आयुष्य! राहत्या घरीच...

सागर पवार हा मुळचा बुलढाणा जिल्ह्यातील रहिवासी असून तो स्पर्धा परीक्षांची तयारी करण्यासाठी तीन ते चार वर्षांपासून पुण्यात राहत होता. तो पुण्यातील नवी पेठ परिसरात मित्रांसोबत पेइंग गेस्ट म्हणून राहत होता. 

खोलीला आतून लॉक लावून आत्महत्या 

मिळालेल्या माहितीनुसार, खोलीला आतून लॉक लावून आत्महत्या केली आहे. 28 नोव्हेंबर रोजी खोलीत त्याचा मृतदेह सापडला. घटनेच्या दिवशी, दुपारच्या सुमारास सागरच्या खोलीचा दरवाजा आतून बंद असल्याचं त्याच्या मित्रांना समजलं. त्यावेळी, तरुणाच्या मित्राने त्याला खूप वेळा आवाज दिला. मात्र, त्यावर सागरचा काहीच प्रतिसाद मिळाला नाही. त्याक्षणी परिस्थितीचं गांभीर्य लक्षात घेऊन सागरच्या मित्रांनी पोलिसांना याबद्दल कळवलं. 

हे ही वाचा: लिव्ह-इन-पार्टनरसोबत दारू प्यायला बसला अन् अचानक वाद पेटला! गाडीतच महिलेसोबत भयंकर कृत्य...

कोणतीच सुसाइड नोट सापडली नाही 

दरवाजा आतून बंद असल्याकारणाने तो तोडण्यात आला आणि आतमध्ये सागरचा मृतदेह आढळला. त्यावेळी, घटनास्थळी धाव घेतलेल्या पोलिसांनी तरुणाचा मृतदेह ताब्यात घेतला. त्यानंतर, पोलिसांनी त्याच्या खोलीची तपासणी केली. परंतु, मृतदेहाजवळ कोणतीच सुसाइड नोट सापडली नाही. सागरने एमपीसीएसी परीक्षेचा अभ्यास करत असताना वाढलेल्या दबावातून आणि नैराश्यातून त्याने आत्महत्या केल्याचा पोलिसांनी प्राथमिक अंदाज वर्तवला आहे. 

हे ही वाचा: 'धरण, नदी, डोंगर, सगळं फोनवरुन मंजूर..', बाळासाहेब थोरातांनी एकनाथ शिंदेंची खिल्ली उडवली, नेमकं काय घडलं?

या प्रकरणासंबंधी विश्रामबाग पोलिसांनी दिलेल्या माहितीनुसार, घटनेचं नेमकं कारण अद्याप समोर आलं नसून पीडित तरुणाच्या कुटुंबियांची चौकशी केल्यानंतर अधिक माहिती मिळेल. दरम्यान, पोलिसांनी सागरच्या कुटुंबीयांना घटनेची माहिती दिली असून, विश्रामबाग पोलीस ठाण्यात अकस्मात मृत्यूची नोंद करण्यात आली आहे.