अमरावतीत अश्लील व्हिडिओ कांड, 180 तरुणी आणि 350 'तसले' व्हिडिओ व्हायरल केल्याचा आरोप, वातावरण तापलं

हे ही वाचा : प्रेमसंबंधातून नवऱ्याचे तुकडे, डिझेलनं जाळला मृतदेह अन् जेसीबीने शेतात पुरला, बायकोच्या प्रेमाचा रक्तरंजित थरार

'180 तरुणींचे शोषण करून 350 हून अधिक अश्लील व्हिडिओ व्हायरल केले'

संबंधित प्रकरणात आरोपींना न्यायालयात हजर करण्यात आल्यानंतर 7 दिवसांची पोलीस कोठडी सुनावली होती. या गंभीर प्रकरणात भाजप नेत्याने आरोप केला की, ज्यामध्ये 180 तरुणींचे शोषण करून 350 हून अधिक अश्लील व्हिडिओ बनवून व्हायरल केले. मात्र, पोलिसांनी 7 पीडितांची ओळख पटल्याच्या माहितीला अधिकृतपणे दुजोरा दिला. 

मोबाईल फोनसह इतर डिजिटल उपकरणे जप्त

परतवाडा ठाणे पोलीस निरीक्षक सुरेश मस्के यांनी माहिती दिली की, पीडितांशी संपर्क साधण्याचा प्रयत्न केला असता, कोणाचीही औपचारिक तक्रार दाखल केली नाही. पीडितांनी पुढे येऊन आपली ओळख गोपनीय ठेवण्याचे आवाहन केले. पोलिसांनी आरोपीचा मोबाईल फोनसह इतर डिजिटल उपकरणे जप्त केली. प्राथमिक तपासातून असे निष्पन्न झालं की, आरोपीने मोठ्या प्रमाणात डेटा डिलिट केला होता.  हा डेटा मिळवण्यासाठी फॉरेन्सिक पथकाने काम सुरु केले आहे.

आरोपीचा संबंध MIM पक्षाशी संबंध असल्याचा भाजप नेत्याचा आरोप 

दरम्यान, स्थानिकांनी तीव्र संताप व्यक्त केल्याचे दिसून येते. मोठ्या संख्येनं नागरिक पोलीस ठाण्यासमोर जमले होते आणि त्यांनी आरोपीवर कठोर कारवाईची मागणी केली. आंदोलकांनी सांगितलं की, 'कोणाचीही मुलगी किंवा बहीण सुरक्षित नाही, अशा आरोपीला अत्यंत कठोर कारवाई झाली पाहिजे'. या घटनेनं सुरु असलेला राजकीय वाद अधिक तीव्र झाला. आरोपीचा संबंध MIM पक्षाशी संबंध असल्याचा आरोप भाजप नेत्यांनी केला. नगरपालिकांच्या निवडणुकीदरम्यान हा आरोपी पक्षाच्या सोशल मीडियाच्या जबाबदार्‍या सांभाळता होता. 

हे ही वाचा : पुणे हादरलं, PhD ची विद्यार्थिनी, गाईडकडून अत्याचार आणि बेडरुममध्ये सगळं संपलं...!

MIM चे परतवाडा शहराध्यक्ष आदिस मोहम्मद यांनी स्पष्टीकरण देत म्हटलं की, या आरोपीला संघटनेतून काढून टाकले आहे. त्यांनी मान्य केलं की, त्याचा पक्षाशी भूतकाळात संबंध होता. अचलपूरचे भाजप आमदार प्रवीण तायडे आणि राज्यसभा खासदार डॉ. अनिल बोंडे यांनी हे मोठं रॅकेट असू शकतं, अशी शक्यता वर्तवली. संपूर्ण प्रकरणाचा सखोल तपास करण्यासाठी SIT ची स्थापना करण्यात आली होती. सध्या आरोपीची कसून चौकशी केली जात आहे.