बार्शी हादरली, स्टोलने गळा आवळला, शरीरावर 17 वार केले; विवाहितेला क्रूरपणे संपवलं

दरम्यान, बालाजी निरफळ यांनी तात्काळ शहर पोलिस ठाण्यात धाव घेऊन फिर्याद नोंदवली. आरोपी केतन जैनविरुद्ध भारतीय न्याय संहिता कलम 103(1) अंतर्गत खुनाचा गुन्हा दाखल करण्यात आला. घटनेनंतर आरोपी स्वतः पोलिस ठाण्यात हजर झाला. पोलिसांनी घटनास्थळी पंचनामा करून पूनमचा मृतदेह ग्रामीण रुग्णालयात पाठवला. मंगळवारी सकाळी झालेल्या शवविच्छेदनात प्रथम गळा आवळून नंतर शस्त्राने वार केल्याचे निष्पन्न झाले. न्यायालयात हजर केल्यानंतर न्यायाधीश गायत्री पाटील यांनी आरोपीला सात दिवसांची पोलिस कोठडी सुनावली.

हेही वाचा : शिरुरमध्ये 13 वर्षांच्या मुलासह तिघांचा बळी घेणाऱ्या बिबट्याला गोळ्या घातल्या, वनविभागाने ठार केलं

सीसीटीव्ही कॅमेऱ्यात केतन हा घरातून बाहेर पडताना दिसला. सोमवारी दुपारी तीन ते पाच या वेळेत पूनम यांची हत्या झाल्याचा अंदाज आहे. पूनम या आपल्या सहावीत शिकणाऱ्या मुलासह बार्शीत राहत होत्या. त्यांच्या पतींचे नोकरीच्या कारणाने दुसऱ्या जिल्ह्यात वास्तव्य होते. सोमवारी सायंकाळी पतीने फोन घेत नसल्याने ते घरी आले असता घर आतून बंद असल्याचे दिसले. त्यांनी गेटवरून घरात प्रवेश केला असता पूनम या रक्ताच्या थारोळ्यात पडलेल्या अवस्थेत आढळून आल्या.

खून केल्यानंतर संशयित आरोपी केतन जैन हा स्वतः पोलीस ठाण्यात हजर झाला. त्याने मी गुन्हा केल्याची तोंडी कबुली दिल्याची माहिती मिळाली आहे. आरोपीने प्रथम स्टोलने गळा आवळण्याचा प्रयत्न केला आणि त्यानंतर धारदार शस्त्राने गळ्यावर 16 आणि पाठीमागून एक असा एकूण 17 वार करून हत्या केल्याचे तपासात निष्पन्न झाले आहे. या प्रकरणाचा पुढील तपास पोलीस उपअधीक्षक अशोक सायकर, पोलीस निरीक्षक बालाजी कुकडे आणि सहाय्यक पोलीस निरीक्षक प्रदीप झाल्टे यांच्या मार्गदर्शनाखाली सुरू आहे.

इतर महत्त्वाच्या बातम्या 

सासूच्या निधनाची बातमी समजताच सूनेचा ह्रदयविकाराच्या धक्क्याने मृत्यू, छत्रपती संभाजीनगर घटनेने सर्वत्र हळहळ