72 तास कुणालच्या कुत्र्यानं घरी काय केलं? आजोबा पोहोचताच धावत आला आणि...

हेही वाचा : घरगुती वाद की आणखी काही? तिघांच्या मृत्यूचं कारण काय? दोन्ही कुटुंबियांचे वेगवेगळे दावे

आजोबांना पाहताच शेरू त्यांच्याकडे धावत गेला

अखेर शेरूला घेण्यासाठी त्याचे आजोबा घरी पोहोचले. आजोबांना पाहताच शेरू त्यांच्याकडे धावत गेला आणि त्यांना बिलगला. आजोबांनीही शेरूला जवळ घेतलं, त्याला प्रेमाने खाऊ घातला आणि पाणी दिलं. तीन दिवस एकटेपणात राहिल्यानंतर शेरू आणि आजोबांची झालेली ही भेट पाहून तिथे उपस्थित असलेल्या प्रत्येकाचे डोळे पाणावले. शेरूची अवस्था पाहून आजोबांनाही त्याच्यासाठी जीव तळमळत असल्याचं त्यांनी सांगितलं. ते गेल्या तीन दिवसांपासून सकाळ-संध्याकाळ घरी येऊन त्याला काही ना काही खाऊ घालण्याचा आणि पाणी देण्याचा प्रयत्न करत होते.

हेही वाचा : Maharashtra Weather : राज्यात पावसाचा वेग संथ, 'या' जिल्ह्यांना यलो अलर्टचा अंदाज

शेरूला महापालिकेच्या शेल्टर होममध्ये ठेवण्यात येणार

दरम्यान, पेट अॅनिमल लवर्स असोसिएशनची टीमही घटनास्थळी पोहोचली. आजोबांच्या मदतीने शेरूला घरातून सुरक्षितपणे बाहेर काढण्यात आलं. शेरूला व्हॅनमधून नेत असताना आजोबांच्या डोळ्यातही अश्रू होते. पेट अॅनिमल लवर्स असोसिएशनच्या प्रतिनिधींनी दिलेल्या माहितीनुसार, शेरूला सुरक्षितपणे रेस्क्यू करण्यात आलं असून यासंदर्भात महापालिका आयुक्तांशीही चर्चा करण्यात आली आहे. सध्या शेरूला महापालिकेच्या शेल्टर होममध्ये ठेवण्यात येणार असून तिथे त्याची काळजी घेतली जाणार आहे.

मात्र, शेरूला कायमस्वरूपी शेल्टर होममध्ये ठेवणं शक्य नसल्याने एखाद्या संवेदनशील कुटुंबाने पुढे येऊन त्याला दत्तक घ्यावं, असं आवाहन करण्यात आलं आहे. शेरूला आता फक्त एका नव्या घराची नाही, तर माणसांच्या मायेची गरज आहे. महापालिकेकडून शेरूसाठी शक्य तितक्या लवकर घर मिळवण्याचा प्रयत्न केला जाणार आहे. त्याच्या पूर्वीच्या कुटुंबाप्रमाणेच त्याची काळजी घेणारं संवेदनशील कुटुंब शोधण्याचा प्रयत्न केला जाणार आहे.