धाराशिव : टायर फुटून कार चहाच्या स्टॉलवर घुसली; माजी नगरसेवकासह दोघांचा मृत्यू, दोघे जखमी

माजीनगरसेवकासह आणखी एकाचा मृत्यू 

मृतांमध्ये उमरगा येथील माजी नगरसेवक बळीराम कृष्णा पवार (वय 48) आणि व्यावसायिक तथा जनता अर्थमूवर्सचे मालक लाडनशा गुलाबशा मुर्शीद (वय 52) यांचा समावेश आहे. तर मेकॅनिक सचिन भिमाशंकर कुटार (30) व टपरीचालक महादेव देढे हे जखमी झाले असून त्यांच्यावर उपचार सुरू आहेत.

हेही वाचा : 'तुझ्या पतीला मारुन टाकलं, मृतदेह पुलाखाली आहे', हत्येनंतर प्रियकराने दिली अपडेट; पत्नीनेच थंड डोक्याने कट रचला

मिळालेल्या माहितीनुसार, तेलंगणा राज्यातील एक नव दाम्पत्य तुळजापूर येथील श्री तुळजाभवानी देवीचे दर्शन घेऊन हैदराबादकडे परत जात होते. सोलापूर–हैदराबाद राष्ट्रीय महामार्गावर उमरगा चौकाजवळील भारत टायर दुकानासमोर मारुती सुझुकी कार (क्रमांक टीएस 34 एफ 4706 / ) भरधाव वेगाने जात असताना अचानक उजव्या बाजूचे टायर फुटले. त्यामुळे चालकाचा वाहनावरील ताबा सुटला आणि कार रस्त्याच्या कडेला असलेल्या चहाच्या स्टॉलमध्ये घुसली.

त्या वेळी स्टॉलवर माजी नगरसेवक बळीराम पवार, व्यावसायिक लाडनशा मुर्शीद आणि मेकॅनिक सचिन कुटार हे चहा पित बसले होते. अचानक कार घुसल्याने बळीराम पवार व लाडनशा मुर्शीद यांचा जागीच मृत्यू झाला, तर सचिन कुटार गंभीर जखमी झाले. तसेच टपरीचालक महादेव देढे यांनाही दुखापत झाली आहे.

तीन दुकानांचे नुकसान

या भीषण अपघातात चहाच्या टपरीसह परिसरातील तीन दुकानांचेही मोठे नुकसान झाले. घटनेनंतर स्थानिक नागरिकांनी जखमींना तातडीने जवळच्या खासगी रुग्णालयात उपचारासाठी दाखल केले. मृतांचे मृतदेह शवविच्छेदनासाठी रुग्णालयात पाठविण्यात आले आहेत.

इतर महत्त्वाच्या बातम्या 

CRPF जवानाला मरेपर्यंत जन्मठेपेची शिक्षा, हॉटेल बुक करुन स्वत:च्याच अल्पवयीन मुलींवर करायचा अत्याचार, जाणून घ्या संपूर्ण प्रकरण