मानवी हाडं, लाल ब्लाउजचा तुकडा आणि ATM कार्ड... मास्क मॅनने सांगितलं शेकडो मृतदेहांचं 'ते' रहस्य!

स्वच्छता कर्मचाऱ्याने काय सांगितलं? 

स्वच्छता कर्मचाऱ्याने तक्रारीत म्हटले आहे की तो 1995 ते 2014 पर्यंत धर्मस्थळ मंदिर प्रशासनासाठी काम करत होता. तसेच 1998 ते 2014 दरम्यान त्याला शेकडो मृतदेह पुरण्यास किंवा ते जाळून टाकण्यास भाग पाडण्यात आलं होतं. आता या प्रकरणात मोठा खुलासा करण्यात आला आहे. स्वच्छता कर्मचाऱ्याच्या सांगण्यावरून मृतदेह पुरल्याच्या ठिकाणी तपासणी करण्यात आली. त्या ठिकाणांवरून अशा काही गोष्टी सापडल्या, ज्यामुळे पोलीस देखील चकित झाले. 

पहिल्या दिवशीच्या खोदकामात काय मिळालं?   

29 जुलै 2025 (मंगळवार) रोजी नेत्रावती नदीच्या किनाऱ्यावरील साइट नंबर 1 वर खोदकाम करण्यात आलं. दरम्यान, प्रकरणातील सफाई कामगाराची ओळख गुप्त ठेवण्यात आली असून त्या मास्क घातलेल्या कर्मचाऱ्याने अशा 13 ठिकाणांची माहिती एसआयटीला दिली आणि त्या ठिकाणी मृतदेह पुरल्याचा दावा केला. पहिल्या दिवशी साइट नंबर 1 वर जवळपास 6 तास खोदकाम करण्यात आलं. कामगारांनी 15 फूट खोल खड्डा खणला परंतु त्यांना मृतदेह, सांगाडा किंवा मानवी हाडं असं काहीच सापडलं नाही.

काहीच संशयास्पद हाती लागलं नाही...

30 जुलै 2025 (बुधवार)  रोजी एसआयटीने साइट नंबर 2, 3, 4 आणि 5 या चार नवीन ठिकाणी खोदकाम सुरू केलं. सकाळपासून संध्याकाळपर्यंत 12 ते 15 फूट खोल खड्डे खणण्यात आले. साइट क्रमांक 3, 4 आणि 5 वर सुद्धा सांगाडा किंवा मृतदेह असं संशयास्पद काहीच सापडलं नाही. परंतु साइट नंबर 2 वर सापडलेल्या गोष्टींमुळे तपासाला वेगळंच वळण मिळालं. 

तपासाला वेगळंच वळण

अडीच फूट खोल खड्डा खणल्यानंतर त्यात फाटलेलं लाल ब्लाउज, पॅन कार्ड आणि एटीएम कार्ड आढळलं. त्यातील एक कार्ड पुरूषाच्या नावावर होतं तर दुसरं लक्ष्मी नावाच्या एका महिलेच्या नावावर असल्याचं दिसून आलं. धर्मस्थळाच्या जवळच राहणाऱ्या एका महिलेचा 2009 मध्ये मृत्यू झाल्याचं तपासात समोर आलं. मात्र, पोलीस रेकॉर्डमध्ये तिच्या मृत्यूची कुठेच नोंद नव्हती. 

हे ही वाचा: कोयता-सत्तुरने हल्ला! व्हिडीओ व्हायरल केल्याचा जाब विचारला अन् मित्राची बोटंच छाटली... बीडमधील धक्कादायक प्रकार

31 जुलै 2025 (गुरुवार) रोजी एसटीआयने साइट नंबर 6 वर खोदकाम सुरू केलं. या ठिकाणीसुद्धा सफाई कर्मचाऱ्याने मृतदेह पुरल्याचा दावा केला होता. खोदकाम करताना अचानक मातीत काही हाडं दिसली. त्यानंतर कामगारांना हाताने माती काढण्यास सांगण्यात आलं. हाडे सापडल्यानंतर ती सर्व पोलिसांच्या ताब्यात घेण्यात आली. 

या ठिकाणी जास्तीत जास्त मृतदेह 

साइट नंबर 1 ते 13 च्या ठिकाणी वेगवेगळ्या संख्येने मृतदेह पुरले असल्याचं स्वच्छता कर्मचाऱ्याने सांगितलं. तसेच 6 आणि 7 साइट नंबरच्या ठिकाणी 8 मृतदेह तर 11 साइट नंबरच्या ठिकाणी 9 मृतदेह पुरण्यात आले होते. तसेच साइट नंबर 13 च्या ठिकाणी जास्तीत जास्त मृतदेह पुरण्यात आल्याचा दावा करण्यात आला होता. त्यांनी अशा 50 हून अधिक ठिकाणांची ओळख पटवली होती. ज्या ठिकाणी जास्त मृतदेह पुरल्याचा दावा करण्यात आला, त्या ठिकाणी अद्याप खोदकाम सुरू करण्यात आलं नाही. 

हे ही वाचा: Impact Feature: मिर्ची योद्धा उपक्रम: पुण्यातील टाकाऊ कचऱ्याचं टिकाऊ गोष्टीत रूपांतर, 100 संगणक डोनेट आणि 40 हून अधिक रिसायकल बेंचेस

साइट नंबर 2 वरून ब्लाउज आणि कार्ड्स सापडल्यानंतर, एसआयटीने लोकांना त्यांच्या तक्रारी घेऊन पुढे येण्याचं आवाहन केलं. मंगळुरूतील मल्लिकट्टे येथील सरकारी अतिथीगृहात एसआयटीचं तात्पुरतं कार्यालय सुरू करण्यात आलं. सकाळी 10 ते संध्याकाळी 5 वाजेपर्यंत लोक कार्यालयात येऊन तक्रार दाखल करू शकतात. यासाठी व्हॉट्सअॅप नंबर, टेलिफोन नंबर आणि ईमेल आयडी सुद्धा जारी करण्यात आलं आहे.