भयंकर! महाराष्ट्रातील 25 तरुणांना ओलीस ठेवलं, म्यानमार-थायलंड सीमेवर काय घडलं?

हेही वाचा : Personal Finance: महिनाअखेर पैसे कुठे जातात? मासिक बजेट बनवण्याच्या 5 सोप्या पद्धती जाणून घ्या

ऑनलाइन फसवणुकीचे काम करण्यास भाग पाडले

पीडित तरुणांनी दिलेल्या माहितीनुसार, त्यांना बंदुकीचा धाक दाखवत दिवसाला तब्बल 18 ते 19 तास ऑनलाइन फसवणुकीचे काम करण्यास भाग पाडले जात आहे. हे काम करण्यास नकार दिल्यास त्यांच्यावर मारहाण केली जाते, विजेचे शॉक दिले जातात आणि विविध प्रकारचा अमानुष छळ केला जात असल्याचे गंभीर आरोप त्यांनी केले आहेत. उच्च पगार आणि चांगल्या नोकरीच्या आश्वासनावर विश्वास ठेवून परदेशात गेलेल्या या तरुणांना आता ओलिस ठेवण्यात आल्याचा दावा करण्यात आला आहे.

हेही वाचा : सिंधुदुर्ग : तरुण तुफान नाचला, स्विमिंग पूलमध्ये उंचावरुन उडी अन् सगळं संपलं VIDEO

 महाराष्ट्रातील तब्बल 25 तरुण या जाळ्यात अडकल्याची माहिती

या संपूर्ण प्रकाराची माहिती बीडमधील एका तरुणाने केलेल्या धक्कादायक फोननंतर समोर आली. या फोनमुळे या प्रकरणामागील आंतरराष्ट्रीय मानवी तस्करी आणि सायबर फसवणुकीच्या जाळ्याचा उलगडा झाला. महाराष्ट्रातील तब्बल 25 तरुण या जाळ्यात अडकल्याची माहिती समोर आली असून, या घटनेमुळे त्यांच्या कुटुंबीयांमध्ये मोठी चिंता निर्माण झाली आहे. या तरुणांची सुरक्षित सुटका व्हावी, अशी मागणी त्यांच्या नातेवाईकांकडून केली जात आहे.

या प्रकरणी बीड सायबर पोलिसांनी गुन्हा दाखल केला असून, त्यांनी तातडीने परराष्ट्र मंत्रालयाशी संपर्क साधला आहे. अडकलेल्या सर्व तरुणांची सुरक्षित सुटका करण्यासाठी राज्य आणि केंद्र सरकारच्या पातळीवर युद्धपातळीवर प्रयत्न सुरू असल्याची माहिती देण्यात आली आहे. संबंधित यंत्रणांकडून या प्रकरणाचा पुढील तपास सुरू असून, ओलिस ठेवण्यात आलेल्या महाराष्ट्रातील सर्व 25 तरुणांना सुरक्षितपणे मायदेशी परत आणण्यासाठी आवश्यक ती कार्यवाही केली जात आहे.