पात्रतेचे निकष

या भरतीमध्ये प्रामुख्याने तीन प्रकारच्या पदांचा समावेश आहे. यामध्ये असिस्टंट मॅनेजर (Law) पदाच्या 20 जागा आणि डेप्युटी मॅनेजर (Law) पदाच्या 29 जागा भरल्या जाणार आहेत. तसेच बँक मेडिकल ऑफिसर (BMO-II) पदासाठी 35 जागा राखीव ठेवण्यात आल्या आहेत. विधी शाखेतील (LLB) पदवी पूर्ण केलेल्या आणि संबंधित क्षेत्रात 2 ते 4 वर्षांचा कामाचा अनुभव असलेल्या उमेदवारांना लॉ ऑफिसरच्या पदांसाठी अर्ज करता येईल, तर एमबीबीएस (MBBS) पदवीसह किमान 5 वर्षांचा अनुभव असणारे डॉक्टर्स मेडिकल ऑफिसरच्या पदासाठी पात्र ठरतील.

हे ही वाचा : अशोक चव्हाणांची 'ती' पोस्ट अन् नेटकरी तुटून पडले, कमेंट्समध्ये बेधडक सवाल

वयोमर्यादा

वयोमर्यादेचा विचार केल्यास, 31 मे 2026 रोजी उमेदवाराचे वय निश्चित केले जाईल. असिस्टंट मॅनेजर आणि डेप्युटी मॅनेजर या दोन्ही लॉ पदांसाठी वयोमर्यादा 25 ते 32 वर्षांच्या दरम्यान असावी, तर बँक मेडिकल ऑफिसर पदासाठी जास्तीत जास्त 35 वर्षांपर्यंतचे उमेदवार अर्ज करू शकतात. नियमानुसार मागासवर्गीय उमेदवारांना वयात सवलत देण्यात आली असून, अनुसूचित जाती व जमाती (SC/ST) प्रवर्गातील उमेदवारांना 5 वर्षे तर इतर मागासवर्गीय (OBC) उमेदवारांना 3 वर्षांची सूट लागू राहील.

हे ही वाचा : नवरा बाहेर असताना 'तो' महिलेसोबत फ्लॅटमध्ये.., शेवटी सूरजने तिसऱ्या मजल्यावरुन मारली उडी

'इथे' करा अर्ज

या भरतीसाठी जनरल, ईडब्ल्यूएस (EWS) आणि ओबीसी प्रवर्गातील उमेदवारांना 750 रुपये अर्ज शुल्क भरावे लागेल, तर अनुसूचित जाती, अनुसूचित जमाती आणि दिव्यांग (PWD) उमेदवारांसाठी कोणतीही फी आकारली जाणार नाही. इच्छुक उमेदवारांनी सर्व आवश्यक शैक्षणिक आणि अनुभवाच्या प्रमाणपत्रांसह अंतिम मुदतीपूर्वी, म्हणजेच 14 जुलै पूर्वी अर्ज करावा. अधिक माहितीसाठी आणि अर्ज करण्यासाठी sbi.bank.in या वेबसाईटला भेट द्यावी.