अशोक चव्हाणांची 'ती' पोस्ट अन् नेटकरी तुटून पडले, कमेंट्समध्ये बेधडक सवाल

Ashok Chavan on Emergency  : महाराष्ट्राचे माजी मुख्यमंत्री अशोक चव्हाण यांची एक फेसबुक पोस्ट सोशल मीडियावर तुफान व्हायरल झालीये. या पोस्टमधून त्यांनी 1975 ते 1977 या काळात इंदिरा गांधी यांनी लागू केलेल्या आणीबाणीच्या विरोधात भाष्य केलंय. 25 जून हा संविधान हत्या दिवस असल्याचं त्यांनी म्हटलंय. लोकांचा आवाज दाबणे म्हणजेच लोकशाहीची हत्या असल्याचंही ते म्हणाले आहेत. मात्र, अशोक चव्हाण यांची ही पोस्ट नेटकऱ्यांना पसंत पडलेली नाही. "1975 ते 1977 याच काळात तुमचे वडील काँग्रेस पक्षाकडून महाराष्ट्राचे मुख्यमंत्री झाले होते. 25 जून 1975 रोजी आपले वडील मुख्यमंत्री होते मग त्यांनी पण संविधानाची हत्या केली का?", असं म्हणत नेटकऱ्यांनी अशोक चव्हाणांना बेधडक सवाल केले आहेत.