पुशर्स कोण असतील?

गर्दी असणाऱ्या स्टेशन्सवर या पुशर्सची नेमणूक केली जाणार आहे. हे 'पुशर्स' प्रशिक्षित कर्मचारी असतील, जे प्रामुख्याने गर्दीच्या वेळी एसी लोकलमध्ये प्रवाशांना चढण्यास मदत करतील. एका रेल्वे अधिकाऱ्याने दिलेल्या माहितीनुसार, 'एसी लोकलला स्वयंचलित दरवाजे असतात आणि त्यात प्रवेश व बाहेर पडण्याचे मार्ग मर्यादित असतात. गर्दीच्या वेळी प्रवाशांना चढण्यासाठी आणि उतरण्यासाठी जास्त वेळ लागतो, ज्यामुळे स्थानकांवरील गाड्यांचा थांबण्याचा वेळ वाढतो आणि .याचा पुढील वेळापत्रकावर थेट परिणाम होतो.' 

हे ही वाचा : अशोक चव्हाणांची 'ती' पोस्ट अन् नेटकरी तुटून पडले, कमेंट्समध्ये बेधडक सवाल

विनातिकीट प्रवास करणाऱ्यांच्या संख्येत वाढ

यासोबतच एसी लोकलमध्ये विनातिकीट प्रवास करणाऱ्यांच्या संख्येत वाढ झाल्याची माहिती समोर आली आहे. पश्चिम रेल्वेच्या सूत्रांनी दिलेल्या माहितीनुसार, मे महिन्यात एसी लोकलमध्ये विनातिकीट प्रवासाची 18,305 प्रकरणे नोंदवली गेली. मागील वर्षापेक्षा विनातिकिट प्रवास करणाऱ्यांमध्ये यावर्षी 323% अधिक वाढ झाली आहे. 

हे ही वाचा : नवरा बाहेर असताना 'तो' महिलेसोबत फ्लॅटमध्ये.., शेवटी सूरजने तिसऱ्या मजल्यावरुन मारली उडी

एसी लोकल्सची संख्या वाढणार का?

दरम्यान, पश्चिम रेल्वेच्या अधिकाऱ्यांनी सांगितले की, गर्दीच्या वेळी एसी लोकल्सची संख्या वाढवण्याची कोणतीही योजना सध्या नाही. असे असले तरी पुशर्सची नेमणूक करण्याची पश्चिम रेल्वेची योजना कितपत फायदेशीर ठरते ते बघावं लागेल.