Konkan Rain: मालवण, कुडाळमध्ये पूर.. सिंधुदुर्गातील पुराचे हे Video पाहून भरेल धडकी

कुडाळ तालुक्यातील माणगाव खोऱ्यात रात्रभर मुसळधार पाऊस झाल्याने नद्या-नाल्यांना मोठ्या प्रमाणात पूर आला असून, कुडाळ शहरात पुराची परिस्थिती निर्माण झाली आहे. भंगसाळ नदीच्या पुरामुळे परिसरातील गावांमध्ये पाणी शिरले असून, आपत्कालीन यंत्रणा सतर्क झाल्या आहेत. स्थानिक प्रशासनाने सतर्कतेचा इशारा जारी केला आहे.

हे ही वाचा>> Mumbai Weather: मुंबई आणि ठाण्यासाठी 'हा' अलर्ट, पाहा हवामान खात्याने काय वर्तवलाय अंदाज

वाहतूक आणि रस्ते परिस्थिती

कणकवली आगार: उर्सुला येथे आचरा मार्गावर रस्त्यावर पाणी आले असून, पर्यायी मार्गाने वाहतूक सुरू आहे. तर बोर्डवे-कळसुली मार्गावर पाणी असल्याने वस्तीची गाडी पलीकडे थांबवण्यात आली आहे.

मालवण तालुका: अजगणी मार्गावर बागायत येथे पाणी आल्याने वस्तीची गाडी थांबवण्यात आली आहे.

कणकवली तालुका: शिवडाव मार्गावर परबवाडी येथे पाणी आल्याने पर्यायी मार्गाने गाड्या पाठवण्यात आल्या आहेत. दरम्यान, आंबोली वाहतूक अद्याप सुरळीत चालू आहे.

कुडाळ: रेल्वे स्टेशनकडे जाणारा मार्ग बंद असून, गुलमोहोरकडे पाणी असल्याने वाहतूक अन्य मार्गाने वळवण्यात आली आहे.

हे ही वाचा>> कोकणातील 'या' जिल्ह्यात येलो अलर्ट, पुणे साताऱ्यात मान्सूनची परिस्थिती काय?

प्रशासनाची प्रतिक्रिया

जिल्ह्यातील वाढती पुरस्थिती लक्षात घेता, आपत्कालीन यंत्रणा सज्ज झाल्या असून, नागरिकांना सतर्क राहण्याचे आवाहन करण्यात आले आहे. रस्ते आणि वाहतूक व्यवस्थापनासाठी पर्यायी मार्गांचा वापर करण्याचे नियोजन करण्यात आले आहे. पावसाचा जोर कायम राहिल्यास परिस्थिती आणखी गंभीर होण्याची शक्यता वर्तवण्यात येत आहे. नागरिकांनी स्थानिक प्रशासनाच्या सूचनांचे पालन करावे आणि सुरक्षित राहावे, असे आवाहन करण्यात आले आहे.