प्रेयसीसमोर केले केसांचे कौतुक 

मिळालेल्या माहितीनुसार,  पीडित तरुणीची ओळख आरोपी तरुणी आणि तिच्या प्रियकराशी झाली होती. आरोपीचा प्रियकर इन्स्टाग्रामच्या माध्यमातून पीडितेशी संवाद साधत असे. या संवादादरम्यान त्याने पीडितेच्या केसांचे कौतुक आपल्या प्रेयसीसमोर केले, तसेच तिला भेटायला जाणार असल्याचेही सांगितले. यामुळे प्रेयसीच्या मनात संशयाची पाल चुकचुकली आणि तिने 7 मार्च रोजी पीडितेचे घर गाठून तिचा मोबाईलही तपासला होता; मात्र तेव्हा तिला काहीही आक्षेपार्ह आढळले नव्हते. तरीही प्रियकराच्या त्या कौतुकाचा राग तिच्या मनात धुमसत होता.

हे ही वाचा : दहावी पास आणि ड्रायव्हिंग लायसन्स असणाऱ्यांसाठी सरकारी नोकरीची संधी, SSB मध्ये 1060 पदांची भरती, 'असा' करा अर्ज

मध्यरात्री घरी जाऊन केसच कापले

हा राग अखेर 25 मार्च 2026 रोजी मध्यरात्री टोकाला पोहोचला. साडेबाराच्या सुमारास मुख्य आरोपी तरुणी आपल्या दोन मैत्रिणींसह पीडितेच्या वर्सोवा येथील घरी पोहोचली. आईस्क्रीमची डिलिव्हरी आली असावी या समजुतीने पीडितेने दरवाजा उघडताच, आरोपी तरुणीने तिला घराबाहेर ओढून जबरदस्तीने तिचे केस कापण्यास सुरुवात केली. यावेळी तिच्या सोबत आलेल्या मैत्रिणींनी या संपूर्ण प्रकाराचा व्हिडीओ आपल्या मोबाईलमध्ये रेकॉर्ड केला. केस कापल्यानंतर 'हेअर नो हेअर' म्हणत आरोपीने पीडितेची थट्टा केली आणि कापलेले काही केस सोबत घेऊन तिथून पळ काढला.

हे ही वाचा : सांगली : चोरीच्या संशयातून बापाने पोटच्या मुलींना रात्रभर उलटे टांगले, पाणी, पाणी म्हणून ओरडत राहिल्या; एकीचा तडफडून मृत्यू

पोलिस तपास सुरु

यावेळी पीडितेने आरडाओरडा केला, मात्र आरोपींनी इमारतीत अनधिकृतपणे प्रवेश करून हे कृत्य पूर्ण केले होते. केवळ संशयापोटी आणि सौंदर्याच्या मत्सरातून घडलेल्या या घटनेची परिसरात मोठी चर्चा रंगली आहे. पोलिसांनी पीडितेच्या तक्रारीनुसार गुन्हा नोंदवून घेतला असून, आरोपी तरुणींनी कशा प्रकारे नियोजन केले आणि व्हिडीओचा उद्देश काय होता, या दिशेने तपास सुरू केला आहे. आपल्या सौंदर्याचे कौतुक होणे एका तरुणीसाठी मनस्तापाचे कारण ठरेल, अशी कल्पनाही कोणी केली नव्हती.