Maharashtra Weather : राज्यावर पावसाचं मोठं संकट, 11 जिल्ह्यांना ऑरेंज अलर्ट

हे ही वाचा : चेंबूरमध्ये शाळेच्या बसवर झाड कोसळलं, 10 विद्यार्थी जखमी, एकाचा अंत

कोकण 

कोकण विभागात पालघर आणि सिंधुदुर्ग या जिल्ह्यांना मुसळधार पावसाचा यलो अलर्ट वर्तवलेला आहे. तसेच रायगड, रत्नागिरी, ठाणे आणि मुंबईमध्ये पावसाचा ऑरेंज अलर्ट जारी केला आहे. कोकण विभागात पाऊस हाहाकार माजवण्याची शक्यता आहे. 

उत्तर महाराष्ट्र 

उत्तर महाराष्ट्रात धुळे, नंदुरबार, जळगाव, नाशिक आणि नाशिक घाट परिसरात हलका ते मध्यम स्वरुपाच्या पावसाचा अंदाज आहे. अहिल्यानगर या जिल्ह्यात पावसाचा यलो अलर्ट आहे. 

पश्चिम महाराष्ट्र 

पश्चिम महाराष्ट्रातील पुणे, कोल्हापूर, सातारा, सांगली आणि सोलापूर या जिल्ह्यांत तुरळक ठिकाणी विजांच्या कडकडाटासह हलका ते मध्यम स्वरुपाच्या पावसाचा अंदाज आहे. 

मराठवाडा 

मराठवाडा विभागातील छत्रपती संभाजीनगर, जालना, परभणी या जिल्ह्यांत हलका ते मध्यम स्वरुपाच्या पावसाचा अंदाज आहे. बीड, हिंगोली, नांदेड, धाराशिव आणि लातूर या जिल्ह्यांत तुरळक ठिकाणी विजांच्या कडकडाटासह हलका ते मध्यम स्वरुपाच्या पावसाचा अंदाज आहे. 

हे ही वाचा : जळगाव: 40 वर्षीय विवाहित महिलेवर सामूहिक अत्याचार, 14 जणांना अटक

विदर्भ 

विदर्भ विभागातील अकोला, अमरावती, बुलढाणा या जिल्ह्यांना विजांच्या कडकडाटासह तुरळक ठिकाणी मान्सून दाखल होण्याची शक्यता असून ऑरेंज अलर्ट आहे. चंद्रपूर आणि गडचिरोलीमध्ये मुसळधार ते अतिमुसळधार पावसाचा ऑरेंज अलर्ट आहे. गोंदिया, नागपूर, वर्धा, यवतमाळ आणि वाशिम जिल्ह्यांत यलो अलर्टचा अंदाज वर्तवण्यात आला.