Govt Job: कोणत्याही परीक्षेशिवाय मिळवा 22 लाख पॅकेज असलेली नोकरी! कसं कराल अप्लाय?

काय आहे पात्रता? 

या भरतीमध्ये अर्ज करण्यासाठी उमेदवाराकडे कोणत्याही मान्यताप्राप्त विद्यापीठातून किमान 60 टक्के गुणांसह बी.ई/बीटेक किंवा समकक्ष डिग्री असणं अनिवार्य आहे. याला पर्याय म्हणून सायन्स/कम्प्यूटर अॅप्लिकेशन क्षेत्रात पोस्ट ग्रॅज्युएशनची डिग्री किंवा एम.ई/एमटेक/संबंधित विषयात पीएचडी असणं गरजेचं आहे. तसेच, प्रोजेक्ट सपोर्ट स्टाफसाठी ग्रॅज्युएट किंवा पोस्ट ग्रॅज्युएट उमेदवार अर्ज करण्यासाठी पात्र ठरतील. याव्यतिरिक्त पदानुसार, उमेदवारांना 3 ते 15 वर्षांचा अनुभव असणं देखील आवश्यक आहे.

हे ही वाचा: ठाणे: फरार आरोपीने 7 वर्षीय मुलीसोबत केलं घृणास्पद कृत्य! नंतर, निर्घृण हत्या करून मृतदेह पोत्यात... यापूर्वी सुद्धा असंच...

प्रोजेक्ट इंजिनीअर पदासाठी 0-4 वर्षांचा अनुभव असणारे उमेदवार अप्लाय करू शकतात. 

वयोमर्यादा: या भरतीमध्ये अर्ज करण्यासाठी उमेदवारांसाठी 30 ते 50 वर्षे वयोमर्यादा निश्चित करण्यात आली आहे. 
पगार: संबंधित पदांवर नियुक्त झालेल्या उमेदवारांना वार्षिक 4.49 लाख ते 22.9 लाख रुपयांपर्यंत पॅकेज मिळेल. 
निवड प्रक्रिया: शॉर्टलिस्टिंग/ इंटरव्ह्यू इ. टप्प्यांच्या माध्यमातून उमेदवारांची अंतिम निवड केली जाईल. 

या भरतीमध्ये अर्ज करण्यासाठी उमेदवारांना कोणत्याही प्रकारचं शुल्क भरावं लागणार नाही. 

हे ही वाचा: Govt Job: 'या' बँकेत निघाली मोठ्या पदांवर भरती! लाखोंचा पगार अन्... कसं कराल अप्लाय?

कसं कराल अप्लाय? 

1. या भरतीमध्ये अर्ज करण्यासाठी उमेदवारांना सर्वप्रथम careers.cdac.in या 'सी-डेक'च्या अधिकृत वेबसाइटला भेट द्यावी लागेल. 
2. तिथे व्हॅलिड ईमेल आयडी आणि मोबाईल नंबरच्या साहाय्याने लॉगिन करा. 
3. आता फोनवर रजिस्ट्रेशन नंबर आणि पासवर्ड मिळेल. 
4. त्यानंतर, रजिस्ट्रेशन नंबर आणि पासवर्डच्या टाकून लॉगिन करा आणि आवश्यक सर्व माहिती भरून  Submit बटणावर क्लिक करून सेव्ह करत जा. 
5. आता लेटेस्ट रंगीत फोटो (400KB) आणि  रिज्यूम (500KB) अपलोड करा. 
6. शेवटी, फॉर्मची प्रिंटआउट काढून ती सुरक्षितरित्या ठेवा. 

या भरतीशी संबंधित अधिक माहितीसाठी उमेदवार 'सी-डेक'च्या अधिकृत वेबसाइटवर जाऊन नोटिफिकेशन तपासू शकतात.