आधीही केला होता मारण्याचा प्रयत्न

तपासादरम्यान समोर आलेल्या माहितीनुसार, केतनशी लग्न ठरण्यापूर्वी सियाचे चेतन चौधरी नावाच्या तरुणासोबत प्रेमसंबंध जुळले होते. लग्न ठरल्यानंतरही तिचे जुने प्रेमसंबंध संपले नव्हते, ज्यातूनच तिने पती केतनला कायमचे संपवण्याचा कट रचला. या कटाचा पहिला प्रयत्न तिने 14 जून रोजीच केला होता, जेव्हा ती केतनसोबत लोहगडावर गेली होती. त्या दिवशी सियाने केतनला गडावरून थेट खाली ढकलून दिले होते. परंतु, सुदैवाने तो एका मोठ्या झुडपामध्ये अडकल्यामुळे त्याचा जीव थोडक्यात बचावला होता. त्या वेळी आपल्यावर संशय येऊ नये म्हणून तिने तिथे अचानक साप आल्याचा खोटा बनाव रचून सर्वांची दिशाभूल केली होती.

हे ही वाचा : धाराशिव ग्राऊंड रिपोर्ट : टेंडरचे खेळ, निधीचं गणित आणि राजकारणातील 'लक्ष्मीदर्शन'

पोस्टमध्ये काय म्हटलं?

पहिल्या प्रयत्नात अपयश आल्यानंतरही सियाच्या डोक्यातील हत्येचा डाव थांबला नाही. अखेर तिने केतनची हत्या करून आपला जुना मार्ग मोकळा केला. विशेष म्हणजे, या क्रूर कृत्यानंतर लोकांच्या नजरेत स्वतःला निष्पाप दाखवण्यासाठी तिने सोशल मीडियावर दुःखाचे नाटक केले. तिने आपल्या पोस्टमध्ये लिहिले होते की, 'माझ्या वाढदिवसाच्या दिवशीच तू मला सोडून गेलास. जेव्हा आपण लग्नाच्या इतक्या जवळ आलो होतो, तेव्हाच तू मला सोडून का गेलास? तू माझ्यासोबत असे का केलेस, हे मला अजूनही समजत नाहीये. मी अनेक स्वप्ने पाहिली होती. माझं तुझ्यावर एवढं प्रेम असताना तू मला का सोडून गेलास? तुझ्या आत्म्याला शांती लाभो.'

हे ही वाचा : शिंदेंच्या शिवसेनेत येताच झटक्यात 'एवढ्या' कोटींचा निधी, ओमराजेंची फेसबुक पोस्ट व्हायरल

सिया आणि तिच्या प्रियकराला अटक

सियाच्या या भावनिक पोस्टमागे तिने केलेल्या गुन्ह्याचे काळे सत्य दडले होते, जे आता पोलिसांच्या सतर्कतेमुळे उघड झाले आहे. केतनच्या मृत्यूचे खोटे दुःख साजरी करणारी आणि 'साप आला' असा बनाव रचणारी सिया आता कायद्याच्या कचाट्यात सापडली आहे. या संपूर्ण घटनेने परिसरात एकच खळबळजनक वातावरण निर्माण केले असून, प्रेमाच्या नावाखाली जीव घेणाऱ्या या  कृत्याबद्दल तीव्र संताप व्यक्त केला जात आहे. पोलीस आता या प्रकरणात चेतनच्या भूमिकेचा आणि संपूर्ण कटाचा पुढील तपास करत आहेत.