Govt Job: भारत सरकारच्या 'या' कंपनीमध्ये इंजीनिअर तरुणांसाठी भरती! 13 लाखांचं पॅकेज अन्... पटापट करा अर्ज

या भरतीमध्ये निवड झालेल्या उमेदवारांना जवळपास 13 लाख रुपयांचं (सीटीसी) पॅकेज देण्यात येईल. यामधील रिक्त जागांसाठी 139 पदे अनारक्षित असून 34 पदे ईडब्ल्यूएस, 91 पदे ओबीसी, 51 पदे एससी आणि 25 पदे एसटी प्रवर्गातील उमेदवारांसाठी आरक्षित आहेत. 

'या' पदांसाठी निघाली भरती 

प्रोबेशनरी इंजीनिअर (इलेक्ट्रॉनिक्स) E ग्रेड 2-  175  पदे
प्रोबेशनरी इंजीनिअर (मॅकेनिकल) E ग्रेड 2- 190 पदे 
प्रोबेशनरी इंजीनिअर (कंप्यूटर सायन्स) E ग्रेड 2- 42 पदे 
प्रोबेशनरी इंजीनिअर (इलेक्ट्रिकल) E ग्रेड 2- 14 पदे 

शैक्षणिक पात्रता 

या पदांसाठी अर्ज करण्यासाठी अनारक्षित, ओबीसी, ईडब्ल्यूएस प्रवर्गातील उमेदवारांकडे इलेक्ट्रॉनिक्स/ इलेक्ट्रॉनिक्स अॅण्ड कम्यूनिकेशन/ इलेक्ट्रॉनिक्स अॅण्ड टेलीकम्यूनिकेशन/ कम्यूनिकेशन/ टेलीकम्यूनिकेशन/ मॅकेनिकल/ कंप्यूटर सायन्स/ कंप्यूटर सायन्स अॅण्ड इंजीनिअरिंग/ इलेक्ट्रिकल/ इलेक्ट्रिकल अॅण्ड इलेक्ट्रॉनिक्स अशा संबंधित विषयांमध्ये B.E किंवा B.Tech तसेच,  बीएससी अथवा इंजीनिअरिंग ग्रॅज्युएट मध्ये फर्स्ट क्लासची डिग्री असणं अनिवार्य आहे.  

तसेच, संबंधित विषयांमध्ये AMIE, AMIETE, GIETE मध्ये फर्स्ट क्लास असणारे उमेदवार सुद्धा या भरतीसाठी अर्ज करण्यासाठी पात्र असतील. याव्यतिरिक्त, या विषयांमध्ये केवळ उत्तीर्ण असलेले एससी/ एसटी प्रवर्गातील आणि अपंग उमेदवार अर्ज करू शकतात. 

हे ही वाचा: तरुण रुग्णालयातील वॉशरूममध्ये गेल्यानंतर नर्सने विनयभंग केला... आता तुरुंगवास आणि चाबकाच्या फटक्यांची शिक्षा

वयोमर्यादा 

या भरतीसाठी अर्ज करण्यासाठी 25 वर्षे कमाल वयोमर्यादा निश्चित करण्यात आली आहे. तसेच, उमेदवारांच्या वयाची गणना 1 ऑक्टोबर 2025 तारीखेच्या आधारे केली जाईल. तसेच, या भरतीमध्ये सहभागी होण्यासाठी एससी/ एसटी प्रवर्गातील उमेदवारांना 5 वर्षे आणि ओबीसी प्रवर्गातील उमेदवारांना 3 वर्षे वयोमर्यादेत सूट देण्यात येणार आहे. 

हे ही वाचा: नांदेडच्या तरुणाचा कर्नाटकात खून, विवाहितेसोबत प्रेमसंबंध, महिलेच्या नातेवाईकांकडून अमानुष मारहाण, चटके देऊन संपवलं

कंप्यूटर आधारित परीक्षेच्या आधारे उमेदवारांची संबंधित पदांसाठी निवड केली जाईल. या भरतीमध्ये अर्ज करण्यासाठी जनरल, ईडब्ल्यूएस आणि ओबीसी प्रवर्गातील उमेदवारांना 1180 रुपये शुल्क भरावे लागेल आणि एसटी, एससी प्रवर्गातील तसेच अपंग उमेदवारांना अर्जाच्या शुल्कात सूट देण्यात येणार आहे.