सोलापूर : नदीत बुडत असलेल्या मुलाला जीवाची बाजी लावून वाचवलं, पण बापाने जीव गमावला

बंधाऱ्यावरून जाताना नदीचा पूर पाहण्यासाठी अन् मुलाचा पाय घसरला

अरुण बनसोडे हे सध्या धामणगाव (ता बार्शी जि सोलापूर) येथील राहिवासी आहेत. रविवारी दुपारी अरुण बनसोडे हे पत्नी, मुलासह वैरागवरून धामणगावकडे जात होते. जाताना नागझरी नदीच्या बंधाऱ्यावर थांबले. त्यांचा मुलगा अनुग्रह बनसोडे याचा अचानक पाय घसरला आणि तो नदीच्या पाण्याच्या जोरदार प्रवाहात पडला. मुलाला बुडताना पाहून क्षणाचाही विलंब न लावता अरुण बनसोडे यांनी तात्काळ पाण्यात उडी घेतली. धाडसाने अनुग्रह याला पाण्याबाहेर काढले.

हेही वाचा : पुणे हादरलं! पोलिसावरच धारदार शस्त्राने वार, ड्युटी संपवून घरी जाताना दुचाकीस्वारांनी प्लॅन करुन गाठलं, नेमकं प्रकरण काय?

मुलाला वाचवले मात्र पित्याला जलसमाधी

अरुण बनसोडे यांनी नदीच्या वेगात वाहणाऱ्या पडलेल्या मुलाला वाचवले. मात्र स्वतः पाण्याच्या भोवऱ्यात अडकले. त्यांच्या नाकातोंडात पाणी जाऊन ते पाण्यात बुडू लागले होते. हा थरार पाहून धामणगाव येथील प्रथमेश देशमुख, विठ्ठल खडके, संपत आलाट, नागेश जाधव यांनी, तसेच बंधाऱ्यावरून जाणाऱ्या लोकांनी त्यांना वाचण्यासाठी तात्काळ पाण्यात उतरले.

अरुण बनसोडे यांना पाण्याबाहेर काढण्यात आले आणि संजय गाडे यांच्या रिक्षांमधून उपचारासाठी घेऊन जात असताना पोलीस पाटील गणेश मसाळ तातडीने रुग्णवाहिका मिळावी यासाठी संपर्क केला. मात्र, रुग्णवाहिका आल्यावर त्यांना तातडीने बार्शी येथील जगदाळे मामा रुग्णालयात दाखल करण्यात आले. रुग्णालयातील डॉक्टरांनी तपासणी केली असता अरुण बनसोडे यांचा उपचारांपूर्वीच मृत घोषित केले. या घटनेने संपूर्ण कुटुंबावर दुःखाचा डोंगर कोसळला आहे.

इतर महत्त्वाच्या बातम्या 

शरद पवारांच्या आमदाराला मारहाण झाल्याची चर्चा, अखेर बापूसाहेब पठारे समोर; काय घडलं? सगळं सांगितलं