अजित पवारांच्या अपघातग्रस्त विमानाचा 'ब्लॅक बॉक्स' सापडला; आता अपघाताचं नेमकं कारण समोर येणार...

'ब्लॅक बॉक्स' म्हणजे काय? 

नागरी विमान वाहतूक महासंचालनालयाच्या सूत्रांनी दिलेल्या माहितीनुसार, लियरजेट (Learjet) विमानाचा ब्लॅक बॉक्स सापडला आहे. ब्लॅक बॉक्स हे एक उपकरण आहे जे विमानाच्या प्रत्येक हालचालीची नोंद करतं. कोणत्याही विमान अपघातानंतर, अपघाताचे खरं कारण शोधण्यासाठी ब्लॅक बॉक्स शोधला जातो. कारण, त्यावरून अपघाताचं नेमकं कारण स्पष्ट होऊ शकतं. याचं नाव ब्लॅक बॉक्स असलं तरी तो एक लहान नारंगी रंगाचा लहान डबा असतो. 

हा ब्लॅक बॉक्स विमानाचा स्फोट, टक्कर, भीषण आग, उच्च तापमान आणि पाणी यासारख्या कोणत्याही अपघातापासून वाचण्यासाठी डिझाइन केलेला आहे आणि त्यामध्ये फ्लाइटचा डेटा सुरक्षित राहतो. ही माहिती मिळाल्यानंतर, विमान अपघाताचं नेमकं कारण शोधण्यासाठी मदत होते. ब्लॅक बॉक्समध्ये सापडलेला डेटा भविष्यात विमानाचे अपघात रोखण्यासाठी प्रभावी ठरतो. 

हे ही वाचा: अजित पवारांचं विमान क्रॅश होण्यापूर्वी 'क्रू'चे अंतिम शब्द काय होते? DGCA च्या अधिकाऱ्यांनी दिली माहिती

आज म्हणजेच गुरुवारी सकाळी 11 वाजताच्या सुमारास अजित पवारांवर राजकीय सन्मानाने अंत्यसंस्कार करण्यात आले. बारामतीतील विद्या प्रतिष्ठान मैदानावर त्यांचे अंत्यविधी करण्यात आले. यावेळी, क्रेंद्रीय मंत्री अमित शाह, महाराष्ट्राचे मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्यासह राज्यातील इतर नेते मंडळी उपस्थित होती. 

हे ही वाचा: Ajit Pawar: सरकार कोणाचंही असो अजित पवार उपमुख्यमंत्री बनायचे, दादांची 45 वर्षांची राजकीय कारकीर्द कशी होती?

अपघातग्रस्त विमानात उपमुख्यमंत्री अजित पवारांसह दोन क्रू मेंबर्स, कॅप्टन सुमित कपूर, को-पायलट शांभवी पाठक आणि सुरक्षा अधिकारी विदिप जाधव तसेच फ्लाइट अटेंडंट पिंकी माळी सुद्धा होते. हे विमान रनवेच्या शॉर्ट ऑफ द थ्रेशोल्ड क्रॅश झाल्याचं सांगितलं जात आहे. दरम्यान, विमान एअरस्ट्रिपच्या आतच होतं पण ते अचानक कोसळल्याने त्याला आग लागली आणि आगीत विमानात उपस्थित असलेल्या पाचही जणांचा होरपळून मृत्यू झाला. या अपघाताचा तपास सध्या सुरू असून आता ब्लॅक बॉक्स सापडल्याने तपासाला वेग मिळणार असल्याची शक्यता वर्तवली जात आहे.