…म्हणून मी मित्रांना घरी बोलावत नाही! माझी बायको त्यांच्यासोबत…, मी काय करू?

खरं तर माझ्या बायकोला एक खुप वाईट सवय आहे. ती माझ्या मित्र-मैत्रिणींना आमच्या नवरा-बायकोच्या खाजगी आयुष्यातील अनेक गोष्टी सांगत असते. तिच्या या सवयीमुळे मला माझ्याच मित्रांसमोर लाज गेल्यासारखे वाटते. याच सवयीमुळे आमच्यामध्ये अनेकदा वाद देखील झाले होते. मात्र वादानंतर देखील तिच्यात काहीच सुधारणा झाली नाही आहे. याच कारणामुळे आता मी माझ्या मित्र-मैत्रिणींना घरी बोलावण्यास टाळायला सूरूवात केली आहे. कारण मला भीती वाटते की माझी बायको आमच्यातल्या काही खाजगी गोष्टी त्यांना बोलून मोकळी होईल.

हे ही वाचा : Ajit Pawar: दादा मुख्यमंत्री? मोहित कंबोज यांचे बोचणारे 8 शब्द, Tweet का केलं डिलीट?

आता सध्या अशी परिस्थिती आहे की, ना तिच्या सवयीत बदल होत आहे, ना ती मला एकट्यात बाहेर जाऊ देत नाही. जरी मी एकटा गेलोच तरी माझ्यावर संशय व्यक्त करते. अशा परिस्थितीत आता मला काय केले पाहिजे.

तज्ज्ञांचा सल्ला काय?

नवरा-बायको जर अशा समस्यांना सामोरे जात असतील तर सायकोलॉजिस्ट आणि एनदर लाईट काऊसलिंगची संस्थापिका आंचल नारंग यावर सल्ला देतात की, ही खूप सामान्य गोष्ट आहे. कारण अनेकांना असे वाटते की त्यांचा पार्टनर त्यांच्या पाठीमागे अनेक खाजगी गोष्टी शेअर करत असतो. अशा परीस्थितीत दोघांनीही एकत्र बसून शांततेत यावर चर्चा केली पाहिजे.

पार्टनरला शांततेत समजावा

जर तुमची पार्टनर नात्यातील खाजगी गोष्टी मित्र-मैत्रिणींसोबत शेअर करत असतील तर, तिला शांततेत ही गोष्ट समजावून सांगा. तिच्या या सवयीमुळे तुम्हाला मित्र-मैत्रिणींमध्ये वावरणे अवघड जाते, ही गोष्ट ठळकपणे तिच्यासमोर मांडा. तसेच तिच्या या सवयीचा नात्यावर काय परिणाम होतो, हे देखील तिला समजावून सांगा.

हे ही वाचा : शिवसेना आमदार अपात्रता प्रकरण : ठाकरेंच्या वकिलाने मांडला गंभीर मुद्दा

…तर भांडण होणार नाही

जर दोघांनी मिळून ही समस्या शांततेत सोडवण्याचा प्रयत्न केला. तर भांडणाची वेळ येणार नाही. त्यामुळे नवऱ्याने आपली बाजू भक्कमपणे मांडण्यासाठी बायकोला एका रोमँटीक डेटवर घेऊन जावे. आणि तुम्ही तिच्यावर किती प्रेम करत आहात, हे पटवून देत तिला तिची चूक समजावून सांगा. त्याचसोबत तिच्या या सवयीमुळे तुम्हाला कोणत्या समस्या भेडसावत आहेत. हे तिला सांगण्याचा प्रयत्न करा. त्यामुळे नाते तुटण्याच्या भीतीने ती तूमची बाजू समजून घेईल आणि अशी चुक पुन्हा करणार नाही.