15 वर्षीय मुलीवर अल्पवयीन मुलाचा बलात्कार, पीडिता 7 महिन्यांची गर्भवती राहिली अन्...

उल्ट्या सुरू झाल्याने डॉक्टरांकडे नेलं...

पोलिसांनी आरोपीला कोर्टात सादर केलं असून त्याला सुधारगृहात पाठवण्यात आलं आहे. येथील महिला पोलीस स्टेशनमध्ये प्रकरणाबाबत गुन्हा दाखल करण्यात आला आहे. पीडितेच्या वडिलांनी याबद्दल तक्रार नोंदवली असून आपली मुलगी मागील दीड महिन्यापासून अस्वस्थ दिसत असल्याचं त्यांनी सांगितलं. अचानक, पीडितेला उल्ट्या सुरू झाल्यामुळे तिला डॉक्टरांकडे नेण्यात आलं. त्यावेळी, औषधे देऊन सुद्धा तिच्या प्रकृतीत सुधारणा होत नव्हती. 

सात महिन्यांची गर्भवती असल्याचं आढळलं 

पीडितेची प्रकृती आणखी खालावत गेल्याने तिला डॉक्टरांकडे नेऊन तिचं अल्ट्रासाउंड करण्यात आलं. या दरम्यान, पीडितेसंदर्भात एक धक्कादायक बाब उघडकीस आली. 15 वर्षीय अल्पवयीन पीडिता ही जवळपास सात महिन्यांची गरोदर असल्याचं आढळून आलं. पीडितेने कुटुंबियांना तिच्यासोबत घडलेल्या घटनेबाबत सांगितलं असता त्यांना मोठा धक्का बसला. 

हे ही वाचा: लग्नापूर्वीच पीडितेसोबत बळजबरीने शारीरिक संबंध... नंतर, करोडो रुपयांच्या हुंड्याची मागणी करत लग्नाला नकार!

प्रायव्हेट फोटो आणि व्हिडीओ व्हायरल करण्याची धमकी 

पीडितेने सांगितलं की, एक अल्पवयीन मुलगा तिच्यावर गेल्या सहा-सात महिन्यांपासून लैंगिक अत्याचार करत होता. त्या तरुणाने पीडितेला तिचे खाजगी फोटो सोशल मीडियावर व्हायरल करण्याची सुद्धा धमकी दिली होती. यावर पीडितेच्या वडिलांनी सुद्धा सांगितलं की, "मी त्या तरुणाच्या घरी गेल्यानंतर त्याच्या या कृत्याबद्दल त्याला जाब विचारला. पण, याउलट त्याच्या कुटुंबियांनीच मला धमकी देण्यास सुरूवात केली आणि मुलीचा गर्भपात करण्यासाठी दबाव आणला."

हे ही वाचा: "तुझी होणारी बायको तर रात्रीच..." लग्नाच्या दिवशी मुहूर्त जवळ येताच नवऱ्याला आला फोन अन् कुटुंबियांना कळताच...

तरुणीच्या वडिलांच्या म्हणण्यानुसार, पीडितेची आई मागील काही महिन्यांपासून तिच्या माहेरी राहत असून तिचे वडील सुद्धा कामानिमित्त बाहेर असतात. त्यामुळे मुलगी घरी एकटी असल्याचा फायदा घेत आरोपीने तिच्यासोबत घृणास्पद कृत्य केलं. सध्या, आरोपीला अटक केली असून त्याला सुधारगृहात पाठवण्यात आलं आहे. या प्रकरणाचा तपास सुरू असल्याचं पोलिसांनी सांगितलं.