मध्यरात्री सुनेच्या खोलीत सोडला साप अन्... केवळ ‘त्या’ एका मागणीमुळे सुनेवर जीवघेणा हल्ला! बहिणीने सगळंच सांगितलं...

हे प्रकरण कर्नलगंज पोलिस स्टेशन परिसरातील असल्याची माहिती आहे. पीडितेच्या बहिणीने पोलीस स्टेशनमध्ये दिलेल्या तक्रारीच्या आधारे, पोलिसांनी पीडितेच्या पतीसह तिच्या सासरच्या सात लोकांविरुद्ध गुन्हा दाखल केला आहे आणि प्रकरणाचा तपास सुरू केला आहे. चमनगंज येथील रहिवासी रिजवानाच्या म्हणण्यानुसार, तिची बहीण रेश्मा हिचं लग्न 19 मार्च 2021 रोजी कर्नलगंज येथील शाहनवाज खान उर्फ ​​अयानशी झालं होतं. लग्नानंतर सुरुवातीचे दिवस खूप चांगले गेले, पण काही दिवसांतच सासरच्यांनी सुनेकडे हुंडा म्हणून दोन लाख रुपये मागण्यास सुरुवात केली. शेवटी, रेश्माच्या कुटुंबियांनी तिच्या सासरच्या लोकांच्या बँक खात्यात दीड लाख रुपये पाठवले. मात्र, त्यानंतर सुद्धा सासरच्यांनी आणखी पाच लाख रुपयांची मागणी करण्यास सुरुवात केली.

हे ही वाचा: निष्पाप मुलीला फूस लावून खोलीत नेलं... 10 वर्षांच्या पीडितेवर सामूहिक बलात्कार! रडत रडत घरी आली अन्...

रिजवानाच्या म्हणण्यानुसार, पीडित महिलेचा पती अयान, सासू शमशाद बेगम, सासरे उमर, दीर इम्रान, नणंद आफरीन, अमरीन आणि समीरा यांनी रेश्माला कमी हुंडा दिल्याबद्दल टोमणे मारले आणि पीडितेचा मानसिक तसेच शारीरिक छळ केला.

खोलीत बंद करून आत साप सोडला  

रेश्माने तीन वर्षांपूर्वीच एका मुलीला जन्म दिला होता. 19 सप्टेंबरच्या रात्री तिच्या सासरच्या लोकांनी तिला तिच्या मुलीपासून वेगळे केलं आणि एका खोलीत बंद केल्याचा आरोप करण्यात आला आहे. दुसऱ्या दिवशी सकाळी 5 वाजताच्या सुमारास, रेश्माला तिच्या पलंगावर एक काळा साप दिसला आणि त्याने तिच्या उजव्या पायाला चावा घेतला. त्यावेळी पीडिता ओरडल्यानंतर तिच्या सासरच्यांनी दार उघडलं आणि रेश्मा तिच्या आईवडिलांच्या घरी धावत गेली. तिथून तिला आधी उर्सुला रुग्णालयात आणि नंतर एलएलआर रुग्णालयात नेण्यात आलं, जिथे सध्या तिच्यावर उपचार सुरू आहेत.

हे ही वाचा: मुंबईची खबर: मुंबईकरांसाठी लवकरच खुला होणार ‘हा’ उड्डाणपूल... कुठून कुठपर्यंत असेल रूट? बीएमसीची नवी अपडेट

सासरच्या लोकांविरुद्ध गुन्हा दाखल  

रिजवानाच्या तक्रारीवरून पोलिसांनी पीडितेच्या सासरच्या लोकांविरुद्ध कलम 85 (महिलेसोबत क्रूरता), 110 (हत्या करण्याचा प्रयत्न), 115(2) (स्वेच्छेने दुखापत करणे), 291 (प्राण्यांच्या साहाय्याने दुखापत करणं) आणि हुंडा प्रतिबंधक कायद्याअंतर्गत गुन्हा दाखल केला आहे. पीडितेवर उपचार सुरू असल्याचे पोलिसांनी सांगितलं. तसेच, ती बरी झाल्यानंतर तिचा जबाब नोंदवला जाईल आणि पुढील कारवाई केली जाणार असल्याचं सांगितलं जात आहे.