महिलेच्या वेशात आत शिरला अन् तरुणाने आपल्याच मेहुणीचा गळा चिरला... नेमकं प्रकरण काय?

महिलेच्या वेशात थेरेपी सेंटमध्ये शिरला... 

प्राथमिक तपासात समोर आलं की, जवळपास वर्षभरापासून आरोपीचे त्याच्या पत्नीसोबत कौटुंबिक वाद सुरू होते. चौकशीदरम्यान, आरोपीने कबूल केलं की त्याला त्याच्या सासरच्या लोकांचा बदला घ्यायचा होता. पोलिसांच्या माहितीनुसार,आरोपीच्या सासरच्या लोकांनी त्याच्या आईवर हल्ला केला असल्याचं त्याने सांगितलं. वृत्तानुसार, घटनेपूर्वी आरोपीने संशय येऊ नये म्हणून डोक्यावर विग आणि महिलांचे कपडे परिधान केले होते. त्यानंतर, तो सेक्टर-24 मधील एका पीडिता कार्यरत असलेल्या एका थेरेपी सेंटरमध्ये पोहोचला. 

आसपासच्या परिसरात सर्च ऑपरेशन 

सोमवारी दुपारी जवळपास 12.21 वाजताच्या सुमारास, एका महिलेवर जीवघेणा हल्ला झाल्याची पोलिसांनी माहिती मिळाली. पीडितेचा गळा चिरण्यात आल्याचं कळताच पोलीस तातडीने घटनास्थळी पोहोचले आणि गंभीररित्या जखमी तरुणीला त्वरीत रुग्णालयात नेण्यात आलं. आता, रुग्णालयात पीडितेवर उपचार सुरू असून ती सध्या जबाब देण्याच्या स्थितीत नसल्याचं सांगितलं जात आहे. संबंधित घटनेनंतर, आरोपीच्या शोधासाठी पोलिसांनी बिल्डिंग आणि आसपासच्या परिसरात सर्च ऑपरेशन सुरू केलं. 

हे ही वाचा: ऑर्केस्ट्रा मालकाने बळजबरीने दारू पाजली अन् जंगलात नेऊन अल्पवयीन नृत्यांगनेवर दोघांकडून बलात्कार...

दरम्यान, पोलिसांनी आरोपीला एका बिल्डिंगच्या छतावरून ताब्यात घेतलं. तिथे आरोपी तरुण लपून बसला होता. तसेच, पोलिसांनी घटनेत वापरण्यात आलेलं ब्लेडसुद्धा आरोपीकडून ताब्यात घेतलं. घटनास्थळी सील करून फॉरेन्सिक टीमकडून तपास केला जात आहे. मिळालेल्या माहितीनुसार, पोलीस ठाण्यात हत्येचा प्रयत्न केल्याप्रकरणी गुन्हा दाखल करण्यात आला असून या प्रकरणाचा विस्तृत तपास केला जात असल्याची माहिती आहे.