लग्नानंतर पतीमुळे हनीमून साजरा झालाच नाही! बायको म्हणाली, "तू तर नपुंसक..." नंतर, केली 'ती' मागणी अन्...

संबंधित प्रकरण बंगळुरूमधील गोविंदराज नगर येथील असल्याची माहिती समोर आली आहे. येथे राहणाऱ्या प्रवीण के. एम नावाच्या तरुणाचं 5 मे 2025 रोजी चंदना नावाच्या तरुणीसोबत लग्न झालं होतं. लग्नानंतर, बंगळुरूच्या सप्तगिरी पॅलेसमध्ये मोठं रिसेप्शन आयोजित करण्यात आलं होतं. या समारंभाचा संपूर्ण खर्च प्रवीणच्या कुटुंबियांनी केला होता. लग्न आणि रिसेप्शन झाल्यानंतर, चंदना गृहप्रवेश करण्यासाठी बंगळुरू येथे आली आणि तिथे जवळपास सात दिवस राहिली. 

शारीरिक संबंध प्रस्थापित करू शकले नाहीत...

16 मे रोजी प्रवीणच्या मावशीच्या घरी दोघांचा हनीमून साजरा करण्याचं निश्चित झालं. मात्र, काही कारणास्तव दोघे एकमेकांसोबत शारीरिक संबंध प्रस्थापित करू शकले नाहीत. याच गोष्टीवरून चंदना संतापली आणि तिने गोंधळ घालण्यास सुरूवात केली. ती सतत तिच्या नवऱ्याला टोमणे मारायची, शिवीगाळ करायची, इतकेच नव्हे तर आपल्या पतीला नपुंसक म्हणून ती सतत अपमानित करायची. 

19 मे रोजी चंदना प्रवीणला आपल्या काकाच्या घरी घेऊन गेली आणि सगळी बाब सांगितली. त्यानंतर, 21 मे रोजी चंदनाचे नातेवाईक आणि कुटुंबीय प्रवीणच्या घरी पोहोचले आणि तिथे मोठा गोंधळ सुरू झाला. 

या गोष्टीवरून 24 मे रोजी प्रवीणची मेडिकल तपासणी करण्यात आली. त्यावेळी, प्रवीण शारीरिक दृष्ट्या स्वस्थ असल्याचं अपोलो रुग्णालयातील डॉक्टरांनी स्पष्ट केलं. प्रवीण लैंगिक संबंध बनवण्यासाठी सक्षम आहे पण, मानसिक तणावामुळे यासाठी थोडा वेळ लागणार असल्याचं डॉक्टरांनी सांगितलं. मात्र, तरीसुद्धा पत्नी समाधानी झाली नाही. ती वारंवार कुटुंबियांसोबत मिळून प्रवीणवर दबाव टाकत राहिली. 

हे ही वाचा: पतीचा पाठलाग करत पत्नी पोहोचली हॉटेलमध्ये... पतीला गर्लफ्रेंडसोबत पाहिलं अन् नंतर घडलं भयानक!

शरीर सुख देऊ शकत नसल्याने 2 कोटींची मागणी

सासरच्या मंडळींनी आधी मारहाण केली असून नंतर या गोष्टीवरून चर्चा करून त्यांनी 2 कोटी रुपयांची मागणी केली असल्याचा प्रवीणने आरोप केला आहे. 19 जून रोजी चंदना आपलं सामान घेऊन माहेरी निघून गेली. त्यानंतर, 17 ऑगस्ट रोजी हा वाद टोकाल पोहोचला. त्या दिवशी, प्रवीण मंदिरातून घरी परतल्यानंतर त्याला चंदना तिच्या कुटुंबियांसोबत त्याच्या घराबाहेर उभी राहिलेली दिसली. तसेच, त्यांच्याकडे शस्त्रे असल्याचा सुद्धा प्रवीणने आरोप केला. त्यावेळी, त्यांनी प्रवीणवर हल्ला केला आणि यादरम्यान, त्याच्या डोक्याला गंभीर दुखापत झाली. इतकेच नव्हे तर, त्यांनी घराचा गेट आणि समानाला नुकसान पोहोचवलं असल्याचं देखील प्रवीणने सांगितलं. 

हे ही वाचा: रात्री उशीरा रुममध्ये बोलवायचा, हिडन कॅमेरे लावायचा, विकृत अध्यात्मिक गुरु स्वामी चैतन्यानंदची कुंडली समोर

त्यानंतर, आरोपी घराच्या समोर बसून पीडित तरुणाच्या कुटुंबियांना विरोध करू लागले. या संपूर्ण घटनेचं सीसीटीव्ही फुटेज आणि मेडिकल रिपोर्ट्स पुरावे म्हणून उपलब्ध आहेत. आपल्या पत्नीच्या माहेरच्या लोकांनी मानसिक दृष्ट्या त्रास दिला असून त्यांनी जावयाला जीवे मारण्याचा देखील प्रयत्न केला असल्याचा आरोप प्रवीणने केला. तसेच, पीडित तरुणाकडून 2 कोटी रुपयांची संपत्ती लुबाडण्याचा देखील कट रचण्यात आल्याचं सांगितलं जात आहे. सध्या, गोविंदराज नगर पोलीस स्टेशनमध्ये या प्रकरणासंबंधी गुन्हा करण्यात आला असून प्रकरणाचा तपास सुरू असल्याची माहिती आहे.