हे ही वाचा : सुनेवर वेश्या व्यवसायासाठी दबाव, सासर की दलालांचं घर? सुनेनं घेतला टोकाचा निर्णय

चार वर्षांपूर्वी प्रेमविवाह

सना आणि अजित सिंग यांनी चार वर्षांपूर्वी प्रेमविवाह केला होता आणि तेव्हापासून ते उत्तर प्रदेशातील किरावली क्षेत्रातील जाजऊ गावात एकत्र राहत होते. बुधवारी (11 फेब्रुवारी) दुपारी 3 च्या सुमारास सनाची प्रकृती खालावली आणि तिचा मृत्यू झाला. अजितने ग्रामस्थांच्या मदतीने घाईघाईत अंत्यसंस्काराची तयारी सुरू केली. प्राथमिक माहितीनुसार, तिचा मृत्यू टीबीच्या आजारामुळे झाल्याचे सांगितले जात आहे, मात्र माहेरच्या मंडळींनी हत्येचा संशय व्यक्त केल्याने प्रकरणाला गंभीर वळण मिळाले.

अल्पवयीन असतानाच फूस लावून पळवून नेले

सनाच्या वडिलांनी, निजाम यांनी आरोप केला आहे की, अजित हा फायनान्सच्या हप्त्यांच्या बहाण्याने त्यांच्या घरी येत असे आणि त्याने त्यांच्या मुलीला अल्पवयीन असतानाच फूस लावून पळवून नेले होते. लग्नानंतर तिचे जबरदस्तीने धर्मांतर करण्यात आले आणि त्यानंतर तिचा सतत मानसिक व शारीरिक छळ केला जात होता, असा गंभीर दावाही वडिलांनी केला आहे. आपली मुलगी आजारपणामुळे नाही, तर सासरच्या जाचामुळे आणि घातपातामुळे मरण पावली असल्याची तक्रार त्यांनी नोंदवली आहे.

हे ही वाचा : 'त्याला त्याच्या भाषेमुळे अन्...', पुण्यात पश्चिम बंगालच्या युवकाची हत्या झाल्यानंतर ममता बॅनर्जींची पोस्ट; काय म्हणाल्या?

परिसरात तणावाचे वातावरण

फतेहपूर सीक्री पोलिसांनी या प्रकरणी अजित सिंगला ताब्यात घेतले असून त्याची कसून चौकशी केली जात आहे. पोलीस आता पोस्ट मार्टमची प्रतीक्षा करत आहेत, ज्यातून सनाच्या मृत्यूचे नेमके कारण स्पष्ट होईल. सनाच्या मृत्यूने आणि स्मशानभूमीतील त्या नाट्यमय कारवाईने परिसरात तणावाचे वातावरण असून, पोलीस सर्व बाजूंनी या प्रकरणाचा तपास करत आहेत.