हे ही वाचा : महाराष्ट्रातलं असं एक गाव जिथं आंतरजातीय विवाह थाटात लावले जाणार! 'जातमुक्ती'साठी ऐतिहासिक निर्णय

होणाऱ्या जावयासोबत गेली पळून

या विचित्र कथेची सुरुवात अलीगडमधील मडराक परिसरातून झाली. येथे एका कुटुंबात मुलीच्या लग्नाची तयारी जोरात सुरू होती आणि 16 एप्रिल 2025 ही लग्नाची तारीख निश्चित झाली होती. मात्र, लग्नापूर्वीच मुलीची आई अनिता हिचे तिचे होणारे जावई राहुल याच्याशी सूत जुळले. दोघेही तासनतास फोनवर बोलू लागले. कुटुंबियांनी यावर आक्षेप घेतला, मात्र त्याचा काहीही उपयोग झाला नाही. अखेर लग्नाच्या अवघ्या 12 दिवस आधी अनिता घरातील रोकड आणि दागिने घेऊन राहुलसोबत फरार झाली. पोलिसांनी त्यांना शोधून आणले, पण दोघेही सज्ञान असल्याने आणि अनिताने राहुलसोबत राहण्याची इच्छा व्यक्त केल्याने पोलीस काहीही करू शकले नाहीत.

मेहुण्यासोबत गेली पळून

राहुल आणि अनिता बिहारमधील सीतामढी जिल्ह्यातील एका गावात जाऊन एकत्र राहू लागले. तिथे राहुल कपडे विकून आपला उदरनिर्वाह करत होता. सर्व काही सुरळीत सुरू आहे असे वाटत असतानाच या कथेत पुन्हा एक नाट्यमय वळण आले. राहुलने अलीगड गाठून पोलिसांत तक्रार दिली की, अनिता आता त्यालाही सोडून आपल्या मेहुण्यासोबत पळून गेली आहे. राहुलच्या दाव्यानुसार, जाताना अनिताने दोन लाख रुपयांची रोकड आणि दागिने देखील सोबत नेले आहेत.

हे ही वाचा : सुनेवर वेश्या व्यवसायासाठी दबाव, सासर की दलालांचं घर? सुनेनं घेतला टोकाचा निर्णय

बिहारमध्ये तक्रार करणे आवश्यक

उत्तर प्रदेश पोलिसांनी या प्रकरणावर स्पष्ट केले आहे की, महिला ज्या ठिकाणाहून बेपत्ता झाली आहे तो भाग बिहारमध्ये येतो, त्यामुळे तिथेच तक्रार करणे आवश्यक आहे. आधी स्वतःच्या मुलीचा संसार मोडणारी आणि नंतर ज्याच्यासाठी घर सोडले त्यालाच धोका देऊन मेहुण्यासोबत पळालेली ही महिला सध्या अलीगडमध्ये चर्चेचा विषय बनली आहे. पोलीस आता या प्रकरणातील आरोपांची शहानिशा करत असून या गुंतागुंतीच्या प्रेमप्रकरणाचा पुढील तपास सुरू आहे.