हे ही वाचा : सांगली : पोटच्या दोन लेकरांना 20 हजाराला विकले, पाच दिवसांच्या मुलीची विक्री करताना आई सापडली

आवाज कमी करायला सांगितल्याने हत्या

मृताची ओळख २७ वर्षीय शेख अहमद अशी झाली असून तो व्यवसायाने एसी मॅकेनिक होता. अहमद आणि त्याची पत्नी मंगलगिरी येथील टिडको हाऊसिंग कॉलनीमध्ये वास्तव्यास होते. शनिवारी घरात टीव्ही सुरू असताना त्याचा आवाज खूप मोठा होता. अहमदने पत्नीला आवाज कमी करण्यास सांगितले, मात्र यावरुन दोघांमध्ये जोरदार शाब्दिक चकमक सुरू झाली. वादाचे रूपांतर हाणामारीत झाले आणि रागाच्या भरात पत्नीने घरातील चाकूने अहमदवर हल्ला केला.

उपचारादरम्यान मृत्यू

घटनेनंतर आरडाओरडा ऐकून आसपासचे नागरिक मदतीला धावले. रक्ताच्या थारोळ्यात पडलेल्या अहमदला तातडीने विजयवाडा येथील शासकीय रुग्णालयात दाखल करण्यात आले. मात्र, त्याची प्रकृती अत्यंत चिंताजनक होती. डॉक्टरांनी शर्थीचे प्रयत्न केले, पण उपचारादरम्यान त्याचा मृत्यू झाला. पोलिसांनी या प्रकरणाची दखल घेत गुन्हा दाखल केला असून पुढील कायदेशीर कारवाई सुरू केली आहे.

हे ही वाचा : तरुणीची हत्या केली, मग तिच्या मृतदेहावर बसून दारु प्यायली; एमबीएच्या विद्यार्थिनीसोबत काय घडलं?

आरोपी पत्नी ताब्यात

मंगलगिरी पोलिसांनी आरोपी पत्नीला ताब्यात घेतले असून तिची चौकशी सुरू आहे. प्राथमिक तपासानुसार हा प्रकार कौटुंबिक वादातून घडल्याचे दिसत असले, तरी पोलीस इतर सर्व पैलूंचा विचार करून तपास करत आहेत. एका क्षणाच्या रागामुळे एका हसत्या-खेळत्या कुटुंबाचा अंत झाल्याने हळहळ व्यक्त होत आहे. पोलिसांनी या घटनेचा पंचनामा केला असून लवकरच न्यायालयात दोषारोपपत्र सादर करण्यात येणार असल्याचे सांगितले आहे.