बारामती : लग्नाआधी शारिरीक संबंध, ती एक गोळी आणि तरुणीचा मृत्यू

हेही वाचा : ‘पळू नका, लपू नका; चर्चेला सामोरं जा!’ राहुल गांधींचं थेट नाव घेत अशोक चव्हाणांची पोस्ट अन्...

दोघांचा लग्न करण्याचा निर्णय, पण त्या गोळीने तरुणीचा मृत्यू?

मिळालेल्या माहितीनुसार, मृत तरुणी आणि अथर्व हे दोघेही बारामतीचे रहिवासी आहेत. तरुणीने बीएससीपर्यंतचे शिक्षण पूर्ण केले होते आणि त्यानंतर एमपीएससीच्या तयारीसाठी ती पुण्यात गेली होती. डिसेंबर 2025 पासून तिचे अथर्वसोबत प्रेमसंबंध होते. तरुणीच्या मैत्रिणीकडून तिच्या आईला या प्रेमसंबंधाची माहिती मिळाली होती. त्यानंतर आईने मुलीशी नियमित संपर्क ठेवण्यास सुरुवात केली. 30 डिसेंबर रोजी आई आणि तिचा भाऊ पुण्याला गेले आणि तरुणीला बारामतीला घेऊन आले. त्यावेळी तरुणीने अथर्वसोबत प्रेमसंबंध असल्याचे सांगत त्याच्याशी लग्न करण्याची इच्छा व्यक्त केली. दोन्ही कुटुंबांना याची माहिती देण्यात आली. त्यानंतर 12 एप्रिल रोजी दोन्ही कुटुंबांची भेट झाली आणि दोघांचे लग्न करण्याचा निर्णय घेण्यात आला.

शारिरीक संबंधांसाठी तगादा, तरुणीने आईला काय सांगितलं? 

घरच्यांच्या संमतीने लग्न ठरल्यानंतर अथर्व आणि तरुणी नियमितपणे भेटत होते. मात्र, काही दिवसांपासून तरुणीच्या वागण्यात बदल झाल्याचे तिच्या आईच्या लक्षात आले. ती शांत राहू लागल्याने आईने तिच्या मैत्रिणीकडे याबाबत विचारणा केली. त्यावेळी अथर्व तिच्याकडे शारिरीक संबंधांसाठी तगादा लावत असल्याचे आणि तिला काही गोळ्या देत असल्याचे समोर आल्याचे तक्रारीत नमूद करण्यात आले आहे. 6 ऑगस्ट रोजी अथर्व तरुणीला एमबीएच्या प्रवेशासाठी टीसी कॉलेजमध्ये घेऊन गेला होता. दुपारी तरुणीने आईला प्रवेश शुल्काबाबत मेसेज केला होता. तसेच अथर्वच्या आईला आणि मावशीला एका ठिकाणी सोडण्यासाठी जात असल्याचेही तिने सांगितले होते. आईने व्हिडिओ कॉल केला असता तरुणी अथर्वसोबत कारमध्ये असल्याचे दिसले.

संध्याकाळी आईने फोन केला असता तरुणीने अथर्वला सेक्स करायचा असून तो तिला एक गोळी देणार असल्याचे सांगितले. हे ऐकून आईने तिला तातडीने घरी येण्यास सांगितले. रात्री नऊच्या सुमारास तरुणीने आपण जेवण करत असल्याचा मेसेज केला. त्यानंतर तिच्याकडून कोणताही प्रतिसाद मिळाला नाही. रात्री दहाच्या सुमारास अथर्वने तिचा फोन उचलला आणि तरुणीला चक्कर येत असल्याचे सांगत तिला घेऊन येत असल्याचे सांगितले. यापूर्वी त्याने तिला दोन ते तीन रुग्णालयांत नेल्याचेही समोर आले. रात्री साडेदहाच्या सुमारास आई एका रुग्णालयात पोहोचली असता तरुणी स्ट्रेचरवर होती आणि तिचा मृत्यू झाल्याचे डॉक्टरांनी सांगितले. त्यानंतर आईने पोलीस ठाणे गाठून अथर्वविरोधात तक्रार दिली. तरुणीचा पोस्टमॉर्टम अहवाल समोर आला असून, त्याच्या आधारे बारामती पोलीस पुढील कारवाई करत आहेत.