बीड: मध्यस्थी करायला गेला शेजारी अन् भलतंच होऊन बसलं...

नेमकी घटना काय?

मिळालेल्या माहितीनुसार, शिरूरघाट येथील रहिवासी राजेंद्र उर्फ राजाभाऊ सुभाष सांगळे आणि त्याचे चुलते भीमराव रामभाऊ सांगळे यांच्यात शेतातील विहिरीच्या हिश्श्यावरून जुना वाद सुरू आहे. सोमवारी सकाळी १०:३० च्या सुमारास हा वाद पुन्हा उफाळून आला. आरोपी राजेंद्र सांगळे याने त्याचे चुलते भीमराव यांना शिवीगाळ करत काठीने डोक्यात मारहाण करण्यास सुरुवात केली.

हे ही वाचा>> 'बायको म्हणते प्रचंड शारीरिक संबंध कर', नवरा वैतागला अन् थेट...

भीमराव यांना वाचवण्यासाठी त्यांचा मुलगा मोहन सांगळे आणि भाऊ अर्जुन सांगळे धावून आले असता, आरोपीने त्यांनाही काठीने बेदम मारहाण केली. यावेळी शेजारी राहणारे सुंदर धनराज सांगळे हे भांडण सोडवण्यासाठी मध्यस्थी करायला गेले. मात्र, संतापलेल्या आरोपीने "तुझा काय संबंध?" असे म्हणत कमरेला असलेला चाकू काढून थेट सुंदर सांगळे यांच्या पोटात खुपसला. 

या भीषण हल्ल्यात सुंदर सांगळे हे गंभीर जखमी होऊन रक्ताच्या थारोळ्यात कोसळले. घटनेनंतर आरोपी राजेंद्र सांगळे घटनास्थळावरून फरार झाला. नातेवाईकांनी तातडीने जखमींना खाजगी वाहनाने बीड येथील विवेकानंद हॉस्पिटलमध्ये उपचारासाठी दाखल केले आहे. सुंदर सांगळे यांची प्रकृती चिंताजनक असल्याचे समजते.

हे ही वाचा>> 40 वर्षीय महिलेची 28 वर्षीय तरुणाशी इंस्टाग्रामवर ओळख, चार मुलं सोडून पत्नी बॉयफ्रेंडसोबत गेली पळून

याप्रकरणी जखमींचे पुत्र बालाजी सांगळे यांनी केज पोलीस ठाण्यात फिर्याद दिली आहे. पोलिसांनी घटनेचा पंचनामा केला असून, आरोपी राजेंद्र सांगळे याच्याविरुद्ध खुनाचा प्रयत्न आणि गंभीर दुखापत केल्याप्रकरणी गुन्हा दाखल करण्याची प्रक्रिया सुरू असून आरोपीला ताब्यात घेतले आहे.