बेडवरुन पडल्याची तक्रार

पोलिसांनी दिलेल्या माहितीनुसार, ही घटना बेंगलोरमधील आवलाहल्ली पोलीस ठाण्याच्या हद्दीत घडली. सुरुवातीला अकरा महिन्यांची मुलगी बेडवरून पडल्याने जखमी झाल्याची माहिती पोलिसांना देण्यात आली होती. तिला तातडीने रुग्णालयात नेण्यात आले, मात्र डॉक्टरांनी तिला मृत घोषित केले. यानंतर रुग्णालयाच्या माहितीवरून मेडिको-लीगल केस नोंदवण्यात आली आणि मुलीच्या वडिलांनीच मुलगी बेडवरून पडल्याची तक्रार दिली होती. त्यानुसार पोलिसांनी आकस्मिक मृत्यूची नोंद करून तपास सुरू केला होता.

हे ही वाचा : सातारा जिल्ह्यात जलप्रलय, तब्बल 116 गावांचा संपर्क तुटला, शेकडो एकर शेती पाण्याखाली!

चेहरा, छाती, पाय अन् गुप्तांगाजवळ जखमा

शवविच्छेदन अहवाल हाती आल्यानंतर पोलिसांचा संशय बळावला. अहवालात चिमुरडीच्या मृत्यूचे कारण बरगड्या आणि इतर हाडे मोडणे, अंतर्गत रक्तस्त्राव, शॉक आणि श्वसनसंस्था निकामी होणे यासह अनेक गंभीर अंतर्गत जखमा असल्याचे स्पष्ट झाले. इतकेच नव्हे तर तिच्या चेहऱ्यावर, छातीवर, पायांवर आणि गुप्तांगाजवळ अनेक बाह्य जखमा आढळून आल्या. केवळ दोन फुटांवरून पडल्याने एवढ्या गंभीर जखमा होऊच शकत नाहीत, या निष्कर्षावरून आणि साक्षीदारांच्या जबाबाच्या आधारे पोलिसांनी हत्येचा गुन्हा दाखल केला.

हे ही वाचा : रत्नागिरी : खेडमध्ये काळजाचा थरकाप उडवणारी दुर्घटना, डोंगराचा कडा खचला अन् क्षणात सर्व काही संपलं!

चिमुरडी रडत असतानाच...

पोलीस तपासात समोर आले की, घटनेच्या दिवशी पती-पत्नीमध्ये कौटुंबिक कारणावरून जोरदार भांडण सुरू होते आणि यादरम्यान ती चिमुरडी त्यांच्यामध्ये रडत होती. याच वादाच्या भरात संतापलेल्या वडिलांनी त्या लहान मुलीला उचलून उंचावरून जमिनीवर फेकले, ज्यामुळे तिला गंभीर जखमा झाल्या आणि तिचा मृत्यू झाला. याप्रकरणी पोलिसांनी कारवाई करत त्याच महिन्यात आरोपी वडिलांना अटक करून न्यायालयीन कोठडीत पाठवले आहे, तर भारतीय न्याय संहितेच्या (BNS) संबंधित कलमांनुसार आईलाही या गुन्ह्यात आरोपी करण्यात आले असून तिची भूमिका तपासली जात आहे.