सिंधुदुर्ग : महिला पोलिसाच्या मृत्यू प्रकरणात ट्वीस्ट, पोलीस पतीला अटक; नेमंक काय घडलं?

हेही वाचा : नालासोपाऱ्यात इम्पिरियल हाइट्स इमारतीला भीषण आग; 2 महिलांचा मृत्यू, 6 जण जखमी

पती सचिन माने पत्नीचा शारीरिक आणि मानसिक छळ करत असल्याचे आरोप 

स्मिता माने यांच्या बहिणीने दिलेल्या तक्रारीनुसार, त्यांचे पती सचिन माने हे त्यांचा सातत्याने शारीरिक आणि मानसिक छळ करत होते. या छळाला कंटाळून स्मिता यांनी आत्महत्या केली असावी किंवा त्यांची कट रचून हत्या करण्यात आली असावी, अशी शंका त्यांच्या कुटुंबीयांनी व्यक्त केली आहे. या तक्रारीच्या आधारे कणकवली पोलीस ठाण्यात गुन्हा क्रमांक 248/26 अन्वये आत्महत्येस प्रवृत्त केल्याचा गुन्हा दाखल करण्यात आला. तक्रारीनंतर पोलिसांनी प्राथमिक तपास सुरू केला आणि सोमवारी रात्री सचिन माने यांना अटक केली. तपासादरम्यान पोलिसांनी सचिन माने यांच्या घराची झडती घेतली. यावेळी या प्रकरणाशी संबंधित महत्त्वाचे पुरावे आणि साहित्य जप्त करण्यात आले आहे.

हेही वाचा : पुणे : कोट्याधीशाच्या हत्येसाठी 20 लाखाची सुपारी, पण कॉन्ट्रॅक्ट किलरने चुकून कामगाराला संपवलं

शवविच्छेदनाचा अंतिम अहवाल अद्याप पोलिसांना प्राप्त झालेला नाही

स्मिता माने यांचा मृतदेह शवविच्छेदनासाठी कोल्हापूर येथील सीपीआर रुग्णालयात पाठवण्यात आला होता. तेथे इन-कॅमेरा पद्धतीने शवविच्छेदनाची प्रक्रिया पूर्ण करण्यात आली. मात्र, शवविच्छेदनाचा अंतिम अहवाल अद्याप पोलिसांना प्राप्त झालेला नाही. तसेच डॉक्टरांचे मृत्यूच्या नेमक्या कारणाबाबतचे स्पष्ट मतही अद्याप समोर आलेले नाही. मृत्यूचे कारण निश्चित करण्यासाठी व्हिसेरा राखून ठेवण्यात आला आहे. त्यामुळे वैद्यकीय अहवाल प्राप्त झाल्यानंतर या प्रकरणातील मृत्यूच्या कारणाबाबत अधिक स्पष्टता येण्याची शक्यता आहे. सध्या पोलिसांकडून या प्रकरणाचा तपास सुरू असून, जप्त केलेले साहित्य आणि इतर उपलब्ध पुराव्यांच्या आधारे तपास केला जात आहे. स्मिता माने यांच्या कुटुंबीयांनी व्यक्त केलेल्या संशयाच्या पार्श्वभूमीवर या प्रकरणातील सर्व बाबींची चौकशी केली जात आहे.

मंगळवारी सचिन माने यांना न्यायालयात हजर करण्यात आल्यानंतर पोलिसांनी त्यांच्या कोठडीची मागणी केली. त्यानुसार न्यायालयाने त्यांना दोन दिवसांची पोलीस कोठडी सुनावली. या काळात पोलिसांकडून त्यांची चौकशी केली जाणार आहे. स्मिता माने यांच्या मृत्यूमागील नेमके कारण काय, याचा तपास करण्यासाठी पोलिसांना शवविच्छेदनाचा अंतिम अहवाल आणि डॉक्टरांचे मत महत्त्वाचे ठरणार आहे. व्हिसेरा तपासणीचा अहवालही या प्रकरणातील पुढील तपासासाठी महत्त्वाचा ठरू शकतो. सध्या या प्रकरणात सचिन माने यांना अटक करण्यात आली असून, त्यांच्याविरोधात आत्महत्येस प्रवृत्त केल्याचा गुन्हा दाखल आहे. न्यायालयाने दिलेल्या दोन दिवसांच्या पोलीस कोठडीत होणारी चौकशी आणि वैद्यकीय अहवालातून काय निष्पन्न होते, याकडे लक्ष लागले आहे.