आधी दोन चिमुकलींवर बलात्कार केला, मग दगडाने डोकी ठेचली; आरोपीचं सैतानी कृत्य

Bihar Crime: बिहारमधील पाटणामध्ये दोन मुलींवर बलात्कार करून एका मुलीची हत्या (Murder) केल्याची धक्कादायक घटना घडली आहे. या प्रकरणातील आरोपीला माध्यमांसमोर आणत या घटनेची माहिती देण्यात आली. बलात्कार (Rape Case) प्रकरणातील आरोपीने हत्या केल्याचे सांगत त्याने त्या दिवशीचा सगळा घटनाक्रम सांगितला. यावेळी त्याने मुलींच्या डोक्यात दगड घालून हत्या केल्याचेही त्याने सांगितले. या प्रकरणात दोघीही मुलींच्या डोक्यात दगड घालण्यात आला होता, त्यावेळी दोघींपैकी एकीचा जागीच मृत्यू झाला तर दुसरी बेशुद्ध झाल्याने ती ठार झाल्याचे समजून त्याने तिथून पळ काढला असंही पोलिसांनी सांगितले.

आरोपीनं आमिष दाखवलं

बलात्काराच्या आरोपाखाली ज्या व्यक्तीला ताब्यात घेतले आहे, त्याने पोलिसांना सगळा घटनाक्रमच सांगितला आहे. या प्रकरणातील 50 वर्षाच्या आरोपी देवानंद राय उर्फ भोकलूने सांगितले की, त्या मुली जळणाचे साहित्य आणण्यासाठी ज्यावेळी घरातून बाहेर पडल्या होत्या त्यावेळी त्या आधी गावात आल्या होत्या. मात्र आरोपीने त्यांना जळणाचे साहित्य शेतात असल्याचे सांगत त्यांना तो शेतात घेऊन गेला. त्यावेळी आरोपीने आधी 8 वर्षाच्या मुलीवर बलात्कार केला.

हे ही वाचा >> Milind Deora : ‘हा फक्त ट्रेलर, पिक्चर अभी बाकी है!’, CM शिंदेंनी कुणाला दिला इशारा

दोघींच्या डोक्यात दगड घातला

बलात्कार करून त्याने मुलीच्या डोक्यात दगड घालून तिला आधी ठार केले. त्यानंतर त्याने दहा वर्षाच्य मुलीवरही बलात्कार करण्याचा प्रयत्न केला. मात्र तिने आरडाओरड केल्यामुळे त्याने तिच्याही डोक्यात दगड घातला. त्यावेळी मुलगी ती बेशुद्ध झाली. त्यानंतर त्याने मुलीचा जीव गेल्याचे समजून त्याने तिथून पळ काढला.

एक ठार एक जखमी

ज्या दोन मुलींवर अत्याचार झाल्याची घटना घडल्यानंतर पोलिसांनी सांगितले की, त्या दोघींमधील एक मुलीचा मृत्यू झाला असून एक मुलगी गंभीर जखमी झाली आहे. त्या दोघीही मुली घरातील लोकांनी साहित्य आणण्याचे काम सांगितले होते, म्हणून त्या 9 जानेवारी रोजी गावात आल्या होत्या. आलमपूरमधील त्या दोन्ही अल्पवयीन मुली आरोपीच्या घरी गेल्यावर त्याने त्यांना तो शेतात घेऊन गेला. त्यानंतर त्याने आधी आठ वर्षाच्या मुलीवर बलात्कार केला व त्यानंतर दहा वर्षाच्या मुलीवर बलात्कार करण्याचा प्रयत्न केला.

मुलगी बेशुद्ध झाली…

आरोपीने जळणाचे साहित्य शेतात असल्याचे सांगितल्यामुळे त्या दोघी मुली त्याच्याबरोबर शेतात गेल्या. मुलींना तो ज्यावेळी शेतात घेऊन जात होता त्यावेळी त्याला तिथे महिलाही दिसली. म्हणून त्याने वाट बदलून दुसरीकडे घेऊन गेला. त्यानंतर त्याने आठ वर्षाच्या मुलीवर बलात्कार केला. तर नंतर त्याने दुसऱ्या मुलीवर बलात्कार करण्याचा प्रयत्न केला मात्र तिने आरडाओरड केला म्हणून त्याने तिच्या डोक्यात दगड घालून तिची हत्या करण्याचा प्रयत्न केला. त्यावेळी ती बेशुद्ध झाली त्यामुळे तिला मृत समजून त्याने तिथून पळ काढला. घटनेच्या दुसऱ्या दिवशी हा प्रकार उघड झाल्यानंतर पोलिसांनी आरोपीला ताब्यात घेऊन प्रकरणाचा छडा लावला.