महिला PSI ने आंतरजातीय विवाह केला अन् वर्षभरातच..., हादरवून टाकणारी घटना

'असा' झाला आंतरजातीय विवाह
 
या संपूर्ण प्रकरणात धक्कादायक बाब म्हणजे, स्वतः पोलीस दलात कार्यरत असूनही स्थानिक पोलिसांनी सलग चार दिवस पीडितेची कोणतीही तक्रार ऐकून घेतली नाही. मात्र, या प्रकरणाने जोर धरल्यानंतर आता पोलिसांनी पती, सासरा, सासू आणि नणंदेविरुद्ध गुन्हा दाखल केला आहे. मिळालेल्या माहितीनुसार, मूळची लखनऊच्या पारा पोलीस ठाण्याच्या हद्दीतील राहणारी ही पीडित महिला सध्या प्रयागराज जिल्ह्यात उपनिरीक्षक पदावर कार्यरत आहे. तिचा विवाह 14 फेब्रुवारी 2025 रोजी शुभम सिंह नावाच्या तरुणाशी झाला होता. हा आंतरजातीय विवाह होता.

हे ही वाचा : मनोज जरांगेंचं रखरखत्या उन्हात उपोषण, काय आहे फडणवीसांची पहिली प्रतिक्रिया?

पीडितेचा अतोनात छळ

पीडितेने पोलिसांत दिलेल्या तक्रारीत अंगावर काटा आणणारा घटनाक्रम मांडला आहे. नोकरी सोडण्यास नकार दिल्याने आणि सासरच्या छळाला विरोध केल्याने, तिच्या सासऱ्याने घरात असलेल्या परवानाधारक बंदुकीचा धाक दाखवून तिला जीवे मारण्याची धमकी दिली आणि तिच्यावर अत्याचार केला. जेव्हा तिने हा प्रकार पतीला सांगितला, तेव्हा पतीने तिला साथ देण्याऐवजी तोंड बंद ठेवण्याची धमकी दिली. क्रूरतेची सीमा इथेच संपली नाही. 19 जानेवारी 2026 रोजी पतीने तिच्या इच्छेविरुद्ध बळजबरीने शारीरिक संबंध ठेवले आणि तिने विरोध केला असता, सासरच्या मंडळींनी मिळून तिला उंदीर मारण्याचे विष पाजले व तिला तडपत असताना एका खोलीत कोंडून ठेवले. पीडितेने कसाबसा तिच्या वडिलांशी फोनवर संपर्क साधला, ज्यानंतर वडिलांनी घटनास्थळी पोहोचून तिला गंभीर अवस्थेत सिव्हिल हॉस्पिटलमध्ये दाखल केले, जिथे तिचा जीव थोडक्यात वाचला.

हे ही वाचा : 14 वर्षीय मुलावर 40 वर्षीय महिलेचा जीव जडला, इन्स्टा लाईकने बहरले प्रेम; शेवटी काय घडलं?

'असं' बाहेर आलं प्रकरण

त्यानंतर जेव्हा पीडितेचे वडील हे प्रकरण मिटवण्यासाठी आणि तडजोड करण्यासाठी मुलीच्या सासरी गेले, तेव्हा सासरच्या लोकांनी त्यांच्यावरही लोखंडी रॉडने हल्ला करून त्यांचे डोके फोडले आणि रिव्हॉल्व्हर रोखली. इतकेच नाही तर 25 मे रोजी सकाळी पतीने पीडितेवर थेट रिव्हॉल्व्हरने गोळीबार केला, ज्यातून ती थोडक्यात वाचली आणि जीव वाचवण्यासाठी घराच्या छतावरून उडी मारून तिथून पळून गेली. या प्रकरणी बोलताना डीसीपींनी सांगितले की, 'महिला उपनिरीक्षकाकडून पोलीस ठाण्यात तक्रार प्राप्त झाली आहे. प्रकरणाचे गांभीर्य ओळखून पती, सासरा, सासू आणि नणंद यांच्याविरुद्ध गंभीर कलमांखाली गुन्हा दाखल करण्यात आला असून, आरोपींवर कडक कायदेशीर कारवाई केली जाईल.'