बुलढाणा : शिवानीचं बनावट हत्याकांड, आरोपी वडील अन् भावाची सुटका, पहिली प्रतिक्रियाही समोर

हेही वाचा : बार्शी : खेळपट्टी सपाट करण्यासाठी रोलर फिरवू लागले, 14 वर्षीय मुलगा खाली पडला अन्...

पोलीस तपासातील निष्काळजीपणा; अधिकाऱ्यांवर कारवाईचा बडगा

या धक्कादायक प्रकरणाचा उलगडा झाल्यानंतर पोलीस अधीक्षक निलेश तांबे यांनी तातडीने पावले उचलली आहेत. डीएनए अहवाल येण्याआधीच आणि मृतदेहाची ओळख पटवण्याआधीच घाईघाईने हत्येचा गुन्हा नोंदवून निर्दोष व्यक्तींना तुरुंगात पाठवणाऱ्या दोन बड्या अधिकाऱ्यांसह सहा कर्मचाऱ्यांवर कारवाई करण्यात आली आहे. यामध्ये एलसीबी ठाणेदार सुनील अंबुलकर, जळगाव जामोद पोलीस स्टेशनचे ठाणेदार नितीन पाटील, पोलीस उपनिरीक्षक पंकज सपकाळे आणि इतर तीन कर्मचाऱ्यांना मुख्यालयात (हेडक्वार्टर अॅटॅच) संलग्न करण्यात आले आहे. सुटकेनंतर शिवानीच्या वडिलांनी सांगितले की, मुलगी पळून गेल्याच्या संतापातून त्यांनी सुरुवातीला रागाच्या भरात खुनाचा गुन्हा कबूल केला होता, परंतु त्यांनी कोणाच्याही सांगण्यावरून हे केले नव्हते. तर दुसरीकडे, नातेवाईकांनी पोलिसांवर गंभीर आरोप केले आहेत की, वडिलांना जबरदस्तीने गुन्हा कबूल करायला भाग पाडले गेले.

हेही वाचा : मनोज जरांगेंचं रखरखत्या उन्हात उपोषण, काय आहे फडणवीसांची पहिली प्रतिक्रिया?

राजुरा धरण परिसरात सापडलेला तो मृतदेह नेमका कोणाचा?

आता सर्वात मोठा प्रश्न हा निर्माण झाला आहे की, राजुरा धरण परिसरात सापडलेला तो अर्धवट जळालेला मृतदेह नेमका कोणाचा होता? बुलढाणा पोलिसांनी ज्या तरुणीला मृत घोषित करून तिच्या हत्येचा छडा लावल्याचा दावा केला होता, तीच तरुणी जिवंत सापडल्याने पोलीस यंत्रणेची मोठी नाचक्की झाली आहे. डीएनए तपासणी पूर्ण होण्याआधीच पोलिसांनी केलेली ही कारवाई निष्पाप नागरिकांच्या आयुष्याशी खेळ करणारी ठरली आहे. आता खऱ्या मृताचा शोध घेणे आणि चुकीच्या तपासासाठी जबाबदार असणाऱ्यांवर कठोर कायदेशीर कारवाई करणे, हे मोठे आव्हान पोलीस प्रशासनासमोर आहे. सध्या या संपूर्ण प्रकरणाचा तपास नव्याने सुरू असून, जळगाव जामोद पोलीस अधिक तपास करत आहेत. ही घटना बुलढाणा जिल्ह्यात उघडकीस आली आहे.