हे ही वाचा : Maharashtra Weather : गुढीपाडव्यादिवशी 'या' जिल्ह्यात अवकाळी पावसाचा फटका, तर काही ठिकाणी ऑरेंज अलर्ट

कुटुंबाचा विरोध पत्करुन मोहम्मद अलीशी प्रेमविवाह 

पीडितेने दिलेल्या माहितीनुसार, तिने सहा वर्षांपूर्वी आपल्या कुटुंबाचा विरोध पत्करून मोहम्मद अलीशी प्रेमविवाह केला होता. लग्नासाठी तिने ख्रिश्चन धर्माचा त्याग करून मुस्लीम धर्म स्वीकारला होता. मात्र, लग्नानंतर काही काळातच पतीच्या संशयी स्वभावामुळे आणि शारीरिक अत्याचारामुळे तिचे आयुष्य नरक बनले. गेल्या सहा वर्षांत तिने अनेकदा छळ सहन केला आणि दोन वेळा आत्महत्येचा प्रयत्नही केला होता. अखेर त्रासाला कंटाळून तिने घटस्फोटासाठी अर्ज दाखल केला होता, ज्यामुळे आरोपी संतापलेला होता.

ॲसिडने हल्ला

घटनेच्या दिवशी रविवारी रात्री, मोहम्मद अली चर्चेच्या बहाण्याने पीडितेच्या घरी आला होता. त्यांच्यात जोरदार वाद झाला आणि रागाच्या भरात त्याने सोबत आणलेली ॲसिड क्लीनरची बाटली काढून तिला धमकावण्यास सुरुवात केली. जीवाच्या आकांताने महिला घराबाहेर पळू लागली असता, आरोपीने तिचा पाठलाग करून तिच्या चेहऱ्यावर ॲसिड फेकले. यावेळी एका सतर्क शेजाऱ्याने मध्ये पडून आरोपीला अडवण्याचा प्रयत्न केला, ज्यामुळे महिलेला तिथून पळ काढता आला आणि तिचा जीव वाचला.

हे ही वाचा : रुपाली चाकणकरांकडून बलात्कार प्रकरणातील आरोपीचा आदरपूर्वक उल्लेख, महिला आयोगाच्या अध्यक्षांचं ट्वीट व्हायरल

कारवाईला पोलिसांची टाळाटाळ

घटनेनंतर जखमी महिलेला तातडीने डोळ्यांच्या रुग्णालयात दाखल करण्यात आले आहे. याप्रकरणी पीडितेने पोलिसांत तक्रार दाखल केली आहे. मात्र पतीच्या छळाबाबत वारंवार तक्रार करूनही पोलिसांनी सुरुवातीला दुर्लक्ष केल्याचा आरोप तिने केला आहे. सध्या पोलीस सीसीटीव्ही फुटेजच्या आधारे पुढील तपास करत असून, या घटनेमुळे महिलांच्या सुरक्षेचा प्रश्न पुन्हा एकदा ऐरणीवर आला आहे.