प्रियकर सरकारी नोकरी मिळाल्यानंतर प्रेमाला विसरला, त्या' लोभापोटी दुसऱ्या तरुणीला केलं जवळ, पीडितेनं रेल्वेखाली संपवलं जीवन

हे ही वाचा : साताऱ्यात अघोरी प्रकार, घर फोडून जिमचे साहित्य चोरीस, नारळ,पान, हळदी कुंकूसह... परिसरात भीतीचं वातावरण

नेमकं काय घडलं? 

मृत महिलेचं नाव कोम्मनी सीतरम्मा (वय 27) असे आहे. ती मैलाप देवरामपल्ली गावातील रहिवासी असल्याचं सांगण्यात येत आहे. ती एका खासगी शाळेत शिक्षिकेचं काम करत होती. कुटुंबियांच्या म्हणण्यांनुसार, सीतारम्म एका सुशिक्षित आणि जबाबदार तरुणी होती. ती तिच्या भविष्याच्याबाबतीत चिंतेत होती. मुलीने उचललेल्या अशा कठोर पावलाने कुटुंबाला खूप मोठा धक्का बसला आहे. कुटुंबातील सदस्यांचे म्हणण आहे की, ती बऱ्याच काळापासून मानसिक तणावाखाली होती.

दोघांचेही दिर्घकाळापासून प्रेमसंबंध 

पोलीस आणि कुटुंबातील सदस्यांच्या म्हणण्यांनुसार, सीराम्माचे जवळच्या गावातील गद्दम माणिक्य या तरुणाशी दीर्घकाळापासून प्रेमसंबंध होते. तसेच माणिक्य यांना अलीकडेच गुरुकुल शाळेत सरकारी नोकरी मिळाली. सरकारी नोकरी मिळाल्यानंतर त्यांचे वर्तन अचानकपणे बदलले, तेव्हापासून सीरम्माच्या अडचणीत वाढ होऊ लागल्याचं चित्र आहे.

हुंड्याच्या लोभापोटी दुसऱ्या तरुणीशी विवाह करण्याचा निर्णय

सरकारी नोकरी मिळाल्यानंतर माणिक्याने सीताराम्मापासून दूर राहण्यास सुरुवात केली होती. तसेच हुंड्याच्या लोभापोटी त्याने दुसऱ्या तरुणीशी विवाह करण्याचा निर्णय घेतला असा आरोप करण्यात आला. या बदलामुळे सीताराम्माला मोठा हादरा बसला. तिने माणिक्याला विचारले की, तो आपल्या लॉन्ग टर्म रिलेशनशीपनंतर असं का करतो? त्यावर तिला समाधानकारक उत्तर न मिळाल्याने तिने टोकाचं पाऊल उचललं.

रेल्वेरुळाखाली झोपून तरुणीचा अंत

घटनेच्या दिवशी, सीतारम्मा विकाराबादहून एकामामिडीला बसने प्रवास करत होती. वाटेत कोठगडी येथे ती बसमधून उतरली होती. त्यानंतर ती फोनवर बोलत असल्याची माहिती प्रत्यक्षदर्शींनी दिली होती. थोड्या वेळाने, तिने रुळावर जाऊन आत्महत्या केली. नंतर तिला ट्रेनने धडक दिली आणि नंतर तिचा जागीच मृत्यू झाला. या घटनेनं सर्वांना मोठा धक्का बसल्याचं सांगण्यात येत आहे.

हे ही वाचा : पुणे तिथे काय उणे! मतदारांना वाटल्या 'चांदीच्या' भेटवस्तू, पण निघाल्या खोट्या; राष्ट्रवादी काँग्रेसच्या उमेदवाराचा प्रताप...

या प्रकरणाचा पोलिसांकडे गुन्हा दाखल करण्यात आला आहे. हुंड्याच्या लोभापोटी स्वार्थाचे धोकादायक परिणाम अधोरेखित करण्यात आल्याचं चित्र आहे. पोलीस या प्रकरणाचा तपास करत आहेत. दरम्यान, या प्रकरणाचं सत्य लवकरच समोर येईल.