गर्लफ्रेंडच्या मोबाईलमध्ये दुसऱ्या मुलासोबत फोटो दिसला, सनकी बॉयफ्रेंडने क्रूरतेचा कळस गाठला, अन्....

डीसीपी अंकित चौहान यांनी दिलेल्या माहितीनुसार, 7 ऑक्टोबरच्या संध्याकाळी कोटला मुबारकपूर पोलिसांना प्रताप गल्लीत एका घराच्या पायऱ्यांवर रक्त सांडल्याची माहिती मिळाली. पोलिस घटनास्थळी पोहोचले असता, पहिल्या मजल्यावरील खोलीत 25 वर्षीय साक्षी गुरूंग ही रक्ताच्या थारोळ्यात पडलेली दिसली. तिच्या चेहऱ्यावर, मानेला आणि खांद्यावर चाकूचे गंभीर घाव होते. तिला तात्काळ रुग्णालयात नेण्यात आले, मात्र डॉक्टरांनी तिला मृत घोषित केले. तपासात साक्षी ही त्या घरात एकटीच राहत असल्याचे आणि तिचे आई-वडील निधन पावल्याचे समोर आले.

हेही वाचा : 40 लोकांना अश्लील मॅसेज पाठवण्यात आल्याचा दावा, अमरावतीतील माजी न्यायाधीशाकडून 31 लाख रुपये लुबाडले अन्...

हत्याकांड उघडकीस आणण्यासाठी एसीपी ऑपरेशन अरविंद कुमार यांच्या नेतृत्वाखाली विशेष पथक तयार करण्यात आले. परिसरातील सीसीटीव्ही फूटेज तपासल्यानंतर आरोपी हरियाणाला जात असल्याचे आढळले आणि त्याची ओळख पटली.

हिमांशुने पोलिसांना सांगितले की, सुमारे चार महिन्यांपूर्वी त्याची आणि साक्षीची भेट राजस्थानच्या जोधपूरमध्ये झाली होती. ओळख हळूहळू प्रेमात बदलली, मात्र साक्षीचा आधीही एका युवकासोबत संबंध होता, याबद्दल हिमांशु संशयात राहत असे. यावरून त्यांच्यात अनेकदा वाद होत असत. 7 ऑक्टोबर रोजी मोबाईलमधील फोटो पाहून तो संतापला आणि साक्षीवर चाकूने हल्ला केला.

तपासात उघड झाले की 25 वर्षीय हिमांशु हा ढाणा खुर्द गावचा रहिवासी असून शिक्षण दहावीनंतर त्याने सोडले होते. त्याच्यावर तब्बल 14 गुन्हे दाखल असून तो हरियाणातील गुंडांच्या जीवनशैलीने प्रभावित होता. तो अनेक गॅंगस्टर्सना सोशल मीडियावर फॉलो करत असे आणि त्यांचे पोस्ट शेअर करत असे.

इतर महत्त्वाच्या बातम्या 

भाजपची रॅली सुरु असताना दिवंगत गणपतराव देशमुखांच्या घरावर दारुच्या बाटल्या फेकल्या, ओमराजे निंबाळकर संतापले...