15 वर्षाच्या मुलीला सांगितलं तुला हिरोईन बनवतो, नंतर प्रोड्यूसरने भलतंच काही केलं अन्...

हे ही वाचा : 'चोली के पीछे क्या है', मुलींना पाहून तरुण म्हणू लागला गाणं, भररस्त्यात नेमकं काय घडलं?

पीडितेनं तक्रारीत काय म्हटलं?

आयटीआयची विद्यार्थिनी असलेल्या पीडितेनं तिच्या तक्रारीत म्हटलं की, दोन वर्षांपूर्वी तिने इंस्टाग्रामवर गुजराती चित्रपटांमध्ये काम करणाऱ्यांसाठी ऑडिशन्सची जाहिरात प्रसारित करण्यात आली होती. मुलीने जाहिरातीत नंबरवर कॉल केला होता आणि राजकोट शहरातील साधू वासवानी रोडवरील आरोपीच्या कार्यालयात भेटण्यासाठी गेली. त्यावेळी तिच्यासोबत तिची आईही त्याठिकाणी होती.

नंतर आरोपीने मुलीला ऑडिशनसाठी बोलावले आणि सांगितलं की, तिला अभिनय आणि डयलॉग डिलिव्हरीवरती लक्ष देणं गरजेचं आणि त्यात आणखी थोडा बदल करणं गरजेचं आहे. जर तिने तिचे अनुभवाचे कौशल्य सुधारल्यास तिला चित्रपटात प्रमुख भूमिका देण्याचे आश्वासन दिलं.

दरम्यान, पोलीस एफआरआयनुसार, एका प्रशिक्षण सत्रादरम्यान, आरोपीने पीडितेला सांगितलं की तिला त्याच्यासोबत एक इंटिमेंट सीन करावा लागेल. त्यानंतर आरोपीने मुलीचा विनयभंग केला आणि तिचे चुंबन घेण्याचा प्रयत्न केला. पीडितेनं विरोध दर्शवत प्रशिक्षणाच्या सत्रांना येण्यास टाळाटाळ केली. तेव्हा आरोपीने तिच्या आईला फोन करून मुलाला पुन्हा आणा असा दबाव आणला.

दीड वर्षे वारंवार बलात्कार

आरोपीने नंतर तिला इंव्हेंट मॅनेजमेंटचं काम देण्याच्या बहाण्याने त्याच्या ऑफिसमध्ये बोलावत तिच्या जेवणात ड्राग्ज मिसळले. त्यानंतर त्याने तिला ड्रग्ज पाजले आणि दीड वर्षांच्या कालावधीत त्याच्या घरी आणि ऑफिसमध्ये वारंवार तिच्यावर बलात्कार केला. तेव्हा तिने विरोध केला असता, तिला चित्रपटात काम देणार नसल्याची धमकी दिली.

हे ही वाचा : अल्पवयीन मतिमंद मुलीला बांधकाम सुुरु असणाऱ्या खोलीत नेलं, नंतर 55 वर्षीय नराधमाने केले अत्याचार

संबंधित प्रकरणात 1 ऑक्टोबर रोजी पीडितेनं पोलीस ठाण्यात तक्रार दाखल केली. पोलिसांनी तातडीने कारवाई करत आरोपीला अटक केली आहे. तपास अधिकारी हर्ष पटेल यांनी सांगितले की, आरोपीविरोधात भारतीय दंड संहिता आणि पोक्सो अंतर्गत गुन्हा दाखल करण्यात आला आहे. पोलीस या प्रकरणाचा पुढील तपास करत असल्याचं सांगण्यात येत आहे.