सारखं मोबाईलवर गेम खेळतो म्हणून मोठी बहीण रागावली, नाराज झालेल्या अल्पवयीन भावाने आयुष्य संपवलं!

मोबाईलवर गेम खेळतो म्हणून बहिणीने रागावलं, लहान भावाने केली आत्महत्या  

पोलिसांनी दिलेल्या माहितीनुसार, मोबाईल घेऊन सारखं गेम खेळतो म्हणून बहिणीने रागावलं आणि नाराज झालेल्या 15 वर्षीय मुलाने आयुष्य संपवल्याची घटना समोर आली आहे.  ही घटना उत्तर-पश्चिम दिल्लीतील आदर्श नगर परिसरातील आहे. स्थानिक पोलिस ठाण्यात या किशोरवयीन मुलाच्या मृत्यूची माहिती मिळाली. त्यानंतर पोलिसांनी पुढील कार्यवाही केली.  आदर्श नगरमध्ये राहणाऱ्या आदर्श नावाच्या मुलाने आपल्या मोठ्या बहिणीसोबत झालेल्या भांडणानंतर घरातील पंख्याला गळफास लावून आत्महत्या केली, असं चौकशीत निष्पन्न झाल्याचं उत्तर-पश्चिम विभागाचे पोलिस उपायुक्त भीष्म सिंह यांनी सांगितलं.

हेही वाचा : जयंत पाटील भाजपात आले तर त्यांना गोपीचंद पडळकरांच्या मागे बसावे लागेल, चंद्रकांत पाटलांचा टोला

मिळालेल्या माहितीनुसार, हे भांडण तेव्हा झाले जेव्हा त्याच्या बहिणीने त्याला मोबाईल गेम खेळणे आणि अभ्यासात हलगर्जीपणा केल्याबद्दल सुनावले होते. 9 वीत शिकणाऱ्या आदर्शला जवळच्या रुग्णालयात नेण्यात आले, मात्र डॉक्टरांनी त्याला मृत घोषित केले. या प्रकरणात पोलिसांनी भारतीय नागरिक सुरक्षा संहिता (BNSS) कलम 194 अंतर्गत कार्यवाही सुरू केली आहे. पोलिसांनी सांगितले की आदर्शचे वडील कुंडली, सोनीपत येथील एका एक्सपोर्ट कंपनीत काम करतात.

इतर महत्त्वाच्या बातम्या 

75 वर्षीय वृद्धाचा 35 वर्षीय महिलेशी विवाह, मधुचंद्राच्या रात्री मृत्यू; आता पोस्टमॉर्टेममधून खळबळजनक खुलासा