रात्री घरी पोहोचण्यासाठी उशीर, एकट्या महिलेला पाहाताच 7 जणांमधील राक्षस जागा झाला, अन्..

7 जणांनी केला अत्याचार

अधिकची माहिती अशी की, नराधमांनी सामुहिक अत्याचार केल्यानंतर सकाळी धीर एकवटून महिला थेट चांपा पोलिस ठाण्यात पोहोचली. तिने रात्री घडलेली संपूर्ण घटना पोलिसांना सांगितली. पोलिसांनी तातडीने केस नोंदवून तपास सुरू केला. परिसरातील सीसीटीव्ही फुटेज तपासल्यानंतर सात मोटरसायकलींवर सात तरुणांचा चेहरे समोर आले.  त्याच आधारावर पोलिसांनी सर्व आरोपींची ओळख पटवून एकामागोमाग सर्वांना अटक केली.

हेही वाचा : धुळे : बाहेर भगत आलाय असं सांगून काकाने पुतणीला घरात नेलं, नंतर आतून कडी लावत तीन वर्षांच्या पुतणीचं केलं लैंगिक शोषण

प्रदीप मनहर, शिवम बंजारे, कृष्ण खूंटे, अनिल महिलांगे, सूरज टंडन, दीपेश कुमार कुर्रे आणि शानू मिर्झा  अशी अटक करण्यात आलेल्या आरोपींची नावे आहेत. सर्वांचे वय साधारण 19 वर्षे असून ते चांपाच्या वेगवेगळ्या ठिकाणांतील आणि घोघरा भागातील रहिवासी आहेत.

प्रकरणाची चौकशी सुरू

चौकशीदरम्यान आरोपींनी गुन्ह्याची कबुली दिली. त्यांनी सांगितले की ते एका सांस्कृतिक कार्यक्रमातून परतत होते आणि त्याचवेळी त्यांना संधी मिळाली. ज्याचा त्यांनी गैरफायदा घेतला. पोलिसांनी केवळ अटकेवरच थांबून न राहता आरोपींची संपूर्ण शहरातून धिंड देखील काढली आहे. जेणेकरून समाजात हा संदेश जाईल की अशा गुन्हेगारांना अजिबात सोडले जाणार नाही. त्यानंतर सर्वांना न्यायालयीन कोठडीत पाठवण्यात आले असून प्रकरणाचा तपास अद्याप सुरू आहे.

हेही वाचा : बळीराजा नैराश्यात, मुलाच्या आत्महत्येनंतर बापाने जीव सोडला, धुळ्यात शेतकऱ्याने विषारी औषध पिऊन आयुष्य संपवलं