आधी स्वत: लंडनला पळाला, आता कुख्यात गुंड निलेश घायवळच्या कुटुंबातील सदस्यही फरार; मोठी अपडेट समोर

हेही वाचा : जयंत पाटलांवर टीका करताना गोपीचंद पडळकरांची जीभ घसरली, रोहित पाटलांनी चांगलंच सुनावलं

पुण्यातील गुंड निलेश  घायवळ याच्यावर अनेक गुन्हे दाखल आहेत. त्याने अहिल्यानगर पोलिसांकडून निगेटिव्ह अ‍ॅड्रेस व्हेरिफिकेशन रिपोर्ट मिळाल्यानंतरही बेकायदेशीरपणे पासपोर्ट मिळवला आणि लंडनला पलायन केल्याची माहिती समोर आली आहे. कोथरुड परिसरात त्याच्या टोळीने केलेल्या हल्ल्यांच्या तपासादरम्यान तो परदेशात गेल्याचे समजल्याने पुणे पोलिसांनी त्याच्याविरोधात लुकआऊट नोटीस जारी केली आहे.

हेही वाचा : ही भिवंडी आहे, मराठीची गरज काय? अबू आझमी नेमकं काय म्हणाले?

गंभीर गुन्ह्यांमध्ये अडकलेला घायवळ असूनही त्याला पासपोर्ट कसा मिळाला आणि त्यामागे कोण होते, यावरून सध्या तीव्र चर्चा सुरू आहे. यामध्ये काही वरिष्ठ पोलीस अधिकारी तसेच राजकीय नेत्यांचा हात असू शकतो, असा संशय व्यक्त केला जात आहे. दरम्यान, पुण्यातील शिंदे गटाचे नेते रवींद्र धंगेकर यांनी भाजप नेते चंद्रकांत पाटील यांच्या भूमिकेवर प्रश्नचिन्ह उपस्थित केले आहे. निलेश घायवळ प्रकरणावर पाटील गप्प का आहेत, ते काही बोलत का नाहीत? असा सवाल धंगेकर यांनी केला आहे. त्यामुळे या प्रकरणातून महायुतीत मतभेद उफाळून येण्याची शक्यता व्यक्त केली जात आहे.

रवींद्र धंगेकर बुधवारी माध्यमांशी बोलताना धंगेकर म्हणाले, "निलेश घायवळ प्रकरणात चंद्रकांत पाटील का मौन बाळगून आहेत? त्यांची भूमिका काय आहे? घायवळला राजकीय वरदहस्ताशिवाय पासपोर्ट मिळणं अशक्य आहे. पोलिसांनी सखोल तपास करावा. त्याला नेमकी कोणाची मदत मिळते आहे, हे लोकांसमोर आले पाहिजे. मी आता सत्तेत आहे, पण खोटं असेल खोटं आणि बरोबर असेल तर बरोबरच म्हणतो. पुणेकरांच्या समस्या मांडणं हे माझं कर्तव्य आहे, असंही धंगेकर यांनी स्पष्ट केले.

हेही वाचा : 'शपथ घेतो की महाराष्ट्र लुटारू आणि दरोडेखोरांच्या हाती जावू देणार नाही ...' ठाकरेंच्या शिवसेनेचा काटा आणणारा दसरा मेळावा टीझर