पतीचे ब्युटी पार्लर महिलेशी प्रेमसंबंधाचा संशय, बायकोनं तिच्यावर अॅसिडने हल्ला करण्यास दिली सुपारी, नंतर...

हे ही वाचा : 'कोणत्याही भांडणापेक्षा महाराष्ट्र मोठा...', राज-उद्धव ठाकरेंच्या पत्रकार परिषदेत नेमकं काय घडलं?

गुन्ह्यात तिघांच्या पोलिसांनी आवळल्या मुसक्या 

या प्रकरणात पोलिसांनी सुमन आणि एहसान यांच्या मुसक्या आवळल्या आहेत. याच अॅसिड हल्ल्यात मदत करणाऱ्या मोहम्मद एहसानच्या साथीदाराची शोधमोहिम सुरु ठेवण्यात आली. मोहम्मद हा एहसान हा बारह येथील रहिवासी असल्याचं तपासातून समोर आलं होतं. तसेच आरोपींकडून रोख रक्कम, मोबाईल फोन आणि गुन्ह्यात वापरण्यात आलेली दुचाकी पोलिसांनी जप्त केली आहे.

अॅसिड हल्ल्यासाठी एक लाख रुपये आणि...

दरम्यान, बारहचे एसडीपीओ आनंद कुमार सिंह यांनी मंगळवारी सांगितलं की, 'आरोपी नीतू देवी हिला तिचा पती आणि पीडितेमध्ये काहीतरी प्रेमसंबंध सुरु असल्याचा संशय बळावला होता. तिने तिच्या मोलकरणीसोबत मिळून पीडितेवर अॅसिडने हल्ला करण्याचा कट रचला. नीतू आणि सुमन यांनी ब्युटी पार्लर महिलेवर अॅसिड फेकण्यासाठी मोहम्मद एहसानला एक लाख रुपये दिल्याचा आरोप आहे. रविवारी सायंकाळी दुचाकीवरून आलेल्या काही हल्लेखोरांनी मालकावर अॅसिड हल्ला केला आणि घटनास्थळावरून पळ काढला होता.

हे ही वाचा : 'ठाकरेंची युती म्हणजे 'खोदा पहाड़ और निकला चूहा' युतीच्या घोषणेनंतर देवेंद्र फडणवीसांची पहिली प्रतिक्रिया

अॅसिड हल्ला केलेल्या व्यक्तीच्या घरी पोलिसांची धाड 

या घटनेनंतर, आरोपी नीतू देवी आणि सुमन ब्युटी पार्लरच्या मालकाला एका उपचारासाठी रुग्णालयात नेले होते. सोमवारी रात्री पोलिसांनी एहसानच्या घरी धाड टाकली होती. त्यात अॅसिडची बाटली आणि त्या अॅसिडमध्ये भिजवलेले कापड देखील जप्त करण्यात आले. नीतू देवी यांच्या घरातून पोलिसांनी 97 हजार रोख रक्कम जप्त केली, ही रक्कम तिने एहसानसाठी ठेवली होती, असं सांगण्यात येत आहे.