हे ही वाचा : PWD मध्ये नोकरीचं अमिष; तरुणीवर आठ वर्षांपासून सामूहिक बलात्कार, 'या' खासदाराचा पीए फरार

प्रेयसीच्या आईलाही आवडायचा  शिवम

शिवम दिल्लीतील वेस्ट डिस्ट्रिक्ट परिसरात रहायचा. त्याचे शेजारी राहणाऱ्या एका मुलीसोबत प्रेमसंबंध होते. मात्र या मुलीच्या आईलादेखील शिवम आवडायचा. ती सतत शिवमच्या घरी यायची. शिवमच्या आईने आरोप केला आहे की, ती शिवमला आपल्या प्रेमाच्या जाळ्यात ओढण्यासाठी प्रयत्न करायची. यासाठी तिनं जादूटोणा केल्याचाही आरोप शिवमच्या आईनं केला आहे. यामुळे दोन्ही कुटुंबात वाद झाला. यानंतर त्यांच्या समाजाच्या झालेल्या जात पंचायतीत हे प्रकरण मिटवण्यात आले. दोन्ही कुटुंबांनी एकमेकांसोबत बोलायचं नाही असा निर्णय झाला. पण मुलीची आई शिवमची पाठ सोडायला तयारच नव्हती.

प्रेयसीच्या अल्पवयीन भावाने केली हत्या

शिवमचे ज्या मुलीसोबत प्रेमसंबंध होते त्या मुलीच्या अल्पवयीन भावाची शिवमसोबत मैत्री होती. जात पंचायतीत झालेल्या प्रकारामुळे तो नाराज होता. त्याच रागाच्या भरात त्याने शिवमची चाकूने भोसकून हत्या केली. २ फेब्रुवारी रोजी रात्री हत्येनंतर तो फरार झाला आहे. शिवमच्या कुटुंबियांनी आरोप केला आहे की, 'आईच्या सागंण्यावरुनच त्याने हा खून केला आहे.'

हे ही वाचा : इंस्टाग्रामवर पत्नीचा प्रियकरासोबत फोटो पाहिला अन् वाद टोकाला पोहचला... रात्री घराबाहेर बोलवून पतीलाच संपवलं!

पोलिस तपास काय सांगतो?

शिवमचा खून झाल्याची माहिती मिळताच पोलिसांनी घटनास्थळी धाव घेतली. शिवमला हॉस्पिटलमध्ये नेण्यात आले, मात्र डॉक्टरांनी त्याला मृत घोषित केलं. पोलिसांनी सांगितलं की, 'हत्येसाठी वापरण्यात आलेला चाकू जप्त करण्यात आला आहे. सध्या आरोपी फरार असून त्याचा तपास घेतला जात आहे. तो सापडल्यानंतरच हत्येच्या खऱ्या कारणाचा उलगडा होईल.'