हे ही वाचा : होणाऱ्या नवऱ्याच्या फोनमध्ये दुसऱ्या मुलीचा फोटो पाहिला... संतापलेल्या तरुणीच्या कृत्यामुळे होत्याचं नव्हतं झालं

कारमध्ये आढळले मृतदेह

शनिवारी दुपारी एकच्या सुमारास एका व्यक्तीने पांढऱ्या रंगाच्या अल्ट्रोज कारमध्ये दोन व्यक्ती रक्ताच्या थारोळ्यात असल्याची माहिती पोलिसांना दिली. पोलिसांनी घटनास्थळी धाव घेतली तेव्हा कार आतून लॉक होती. पोलिसांनी कारची काच फोडून दोघांना बाहेर काढले. तपासादरम्यान तरुणाच्या हातात पिस्तूल आढळले असून, दोघांच्याही डोक्यात गोळ्या लागल्या होत्या. फॉरेन्सिक टीमने घटनास्थळावरून महत्त्वाचे पुरावे गोळा केले आहेत.

मृतांची ओळख पटली 

मृतांची ओळख पटली असून, सुमित (32 वर्षे, रा. दिल्ली) आणि रेखा (26 वर्षे, रा. नोएडा) अशी त्यांची नावे आहेत. पोलीस तपासात समोर आले आहे की, सुमित शुक्रवारी सकाळपासूनच घरातून निघून गेला होता आणि त्याचा काहीही पत्ता लागत नव्हता. तर रेखा नोएडातील सेक्टर-62 मधील एका खासगी कंपनीत काम करत होती. ती सुद्धा शुक्रवारी संध्याकाळी सात वाजता ऑफिसमधून निघाल्यानंतर घरी परतली नव्हती.

हे ही वाचा : जामखेड : 'आमच्या भावाने मुलीला पळवून नेल्याचे तिच्या आईला का सांगितले?', तिघांनी मिळून केला एकाचा खून

बेपत्ता असल्याची तक्रार

रेखा घरी न परतल्यामुळे तिच्या कुटुंबीयांनी सेक्टर-58 पोलीस ठाण्यात ती बेपत्ता असल्याची तक्रारही दाखल केली होती. या दोघांच्या मृत्यूमुळे दोन्ही कुटुंबांवर शोककळा पसरली आहे. पोलिसांनी दोन्ही मृतदेह पोस्ट मार्टमसाठी पाठवले असून, या घटनेमागे नेमके काय कारण होते आणि ही आत्महत्याच आहे की अन्य काही, याचा सखोल तपास नोएडा पोलीस करत आहेत.