पुण्यात डिजिटल अरेस्ट स्कॅमचा कहर; पाच महिन्यांत 9.21 कोटींची फसवणूक, 'हे' लोक टार्गेट

'डिजिटल अरेस्ट' स्कॅम म्हणजे काय?

या स्कॅममध्ये सायबर गुन्हेगार स्वतःला सीबीआय, पोलिस किंवा अन्य सरकारी यंत्रणांचे अधिकारी म्हणवून घेत व्हिडिओ कॉल केले. फोनद्वारे संपर्क साधत ते लोकांना सांगतात की, "तुमच्यावर मनी लाँड्रिंग, सिम कार्डचा गैरवापर किंवा अन्य गुन्ह्यांचा आरोप आहे. तुमच्याविरुद्ध अटक वॉरंट जारी झालं आहे." भीती आणि गोंधळाच्या परिस्थितीत पीडित घाबरून गुन्हेगारांच्या जाळ्यात अडकतात. त्यानंतर त्यांना पैसे ट्रान्सफर करण्यास  भाग पाडले जाते.

हे ही वाचा >> मुंबईत 'या' भागात होणार विजांचा कडकडाट! कोणत्या ठिकाणी पडणार मुसळधार पाऊस? ठाण्यातही वादळी वारे..

हाय-प्रोफाइल फसवणुकीचे प्रकरण

मुंबईतील एका व्यापाऱ्याला 6.3 कोटी रुपयांची फसवणूक झाल्याचं मोठं प्रकरण समोर आलं आहे. सायबर गुन्हेगारांनी स्वतःला सीबीआय अधिकारी म्हणवून व्यापाऱ्याला डिजिटल अरेस्ट केले आणि बनावट मनी लाँड्रिंग प्रकरणात अडकवले. या प्रकरणाची चौकशी केल्यानंतर पुणे सायबर पोलिसांनी 28 वर्षीय तुषार हरीशचंद्र वजानत्री याला अटक केली. तो फसवणुकीसाठी वापरल्या जाणाऱ्या म्यूल अकाउंटचा संचालक होता. विशेष म्हणजे, त्याची पत्नी त्या गावची निवडून आलेली सरपंच आहे.

पोलिसांचा प्रतिसाद आणि उपाययोजना

हे ही वाचा >> काय होता राजा-सोनमचा हनिमून प्लॅन? सोनमच्या सासूनं केला धक्कादायक खुलासा, "शिलाँगचं तिकीट.."

पुणे पोलिसांनी नागरिकांना जागरूक करण्यासाठी 1930 ही सायबर हेल्पलाइन सुरू केली आहे.24×7 ही हेल्पलाईन कार्यरत आहे. अतिरिक्त पोलीस आयुक्त पंकज देशमुख यांनी सांगितलं की, सायबर गुन्ह्यातील पहिले काही तास (गोल्डन अवर्स) अत्यंत महत्त्वाचे असतात. पोलीस अधिकाऱ्यांना आता विशेष तांत्रिक प्रशिक्षण दिलं जाणार आहे. 

वाढते आकडे आणि चिंताजनक परिस्थिती

2024 मध्ये पुण्यात डिजिटल अरेस्टची 81 प्रकरणं नोंदली गेली. यामध्ये 49.76 कोटी रुपयांची फसवणूक झाली होती. 2022 मध्ये अशी कोणतीही प्रकरणं समोर आली नव्हती. 2025 च्या पहिल्या पाच महिन्यांतच 21 प्रकरणं समोर आल्यानं अशा गुन्ह्यांचा वाढता आलेख दिसून येतो. पीडितांमध्ये ज्येष्ठ नागरिकांचा समावेश आहे, विशेषतः विमाननगर, डेक्कन आणि सहकारनगर भागातील रहिवाशांना या गुन्हेगारांनी लक्ष्य केलं आहे.