"माझ्या बहिणीशी मैत्री का केलीस?..." संतापलेल्या भावाने तरुणाला रस्त्यात गाठून केला निर्दयी खून!

या प्रकरणासंबंधी पोलीस अधिकाऱ्यांनी दिलेल्या माहितीनुसार, 28 नोव्हेंबर रोजी रात्री भलस्वा डेअरी पोलिसांनी पीडित तरुणाची चाकूने हत्या करण्यात आल्याची माहिती मिळाली. संबंधित घटनेची माहिती मिळताच, पोलीस तातडीने घटनास्थळी दाखल झाले. 

हे ही वाचा: ठाण्यात शिवसेना पदाधिकाऱ्याची निर्घृण हत्या, भररस्त्यात धारदार शस्त्रांनी वार करुन संपवलं

4 ते 5 हल्लेखोरांनी केले चाकूने वार... 

घटनास्थळी पोहोचल्यानंतर, गंभीररित्या जखमी झालेल्या 17 वर्षीय अल्पवयीन तरुणाला रुग्णालयात नेण्यात आल्याचं पोलिसांना कळालं. मात्र, रुग्णालयात उपचार सुरू असताना अल्पवयीन तरुणाचा मृत्यू झाल्याचं डॉक्टरांनी सांगितलं. पोलिसांनी घटनेचा तपास सुरू केला असता, अल्पवयीन पीडित तरुणावर 4 ते 5 हल्लेखोरांनी चाकूने वार केले आणि त्या हल्ल्यात, पीडित तरुण गंभीररित्या जखमी होऊन खाली कोसळला. हत्येनंतर, आरोपी घटनास्थळावरून फरार झाले. 

हे ही वाचा: मुंबई: घाटकोपरमध्ये सुनेकडून सावत्र सासुची हत्या! सीसीटीव्ही फुटेजवरून घटनेचा उलगडा... नेमकं काय घडलं?

4 साथीदारांसोबत मिळून निर्दयी हत्या 

पोलिसांच्या तपासादरम्यान, प्रकरणातील मृत तरुण त्याच्या नातेवाईकांसोबत भलस्वा डेअरी परिसरात राहत होता. तसेच, त्याच्या शेजारी राहणाऱ्या एका तरुणीसोबत त्याची चांगली मैत्री होती. याच गोष्टीवरून, संबंधित तरुणीचा भावाचे पीडित तरुणासोबत सतत वाद होत होते. शुक्रवारी रात्री तो पीडित तरुण त्याच्या कामानिमित्त स्वरूप नगर एक्सटेंशनच्या गोला चौक परिसरात गेला होता. तेव्हा, त्याच्या मैत्रिणीच्या भावाने आपल्या चार साथीदारांसोबत मिळून त्याची निर्दयी हत्या केली.