हे ही वाचा : नागपूर : पत्नीसोबत अफेअर असल्याचा संशय, नवऱ्याने अल्पवयीन मुलावर त्याच्या मित्राला अत्याचार करायला भाग पाडलं

मावशीला घातपाताचा संशय

14 फेब्रुवारीच्या रात्री मोथे गावाजवळ कट्टा यशवंत नावाचा तरुण रस्त्याच्या कडेला गंभीर जखमी अवस्थेत रक्ताच्या थारोळ्यात सापडला होता. सुरुवातीला हा अपघात असल्याचे मानले जात होते. यशवंतला तातडीने भद्राचलमच्या शासकीय रुग्णालयात आणि त्यानंतर प्रकृती चिंताजनक असल्याने खम्मम येथील रुग्णालयात हलवण्यात आले. मात्र, यशवंतच्या मावशीने हा अपघात नसून घातपात असल्याची शंका व्यक्त करत पोलिसांत तक्रार दाखल केली, त्यानंतर या प्रकरणाला वेगळे वळण मिळाले.

दारु पाजून केली हत्या

पोलीस तपासात अत्यंत धक्कादायक माहिती समोर आली. आरोपींनी नोव्हेंबर 2025 मध्ये यशवंतच्या नावाने एक मोठी विमा पॉलिसी काढली होती, ज्यामध्ये साई दीपकला नॉमिनी (वारसदार) करण्यात आले होते. नॉमिनी होण्यासाठी दीपकने स्वतःला यशवंतचा नातेवाईक असल्याचे भासवले होते. 14 फेब्रुवारीच्या रात्री या दोघांनी कटानुसार यशवंतला मोथे गावाजवळ नेले, तिथे त्याला भरपूर दारू पाजली आणि तो स्कूटरवर बसण्याचा प्रयत्न करत असताना मागून लोहेरी रॉडने त्याच्या डोक्यावर जोरदार वार केले.

हे ही वाचा : "तीन लग्नं केली, पुरावे नष्ट करून सोडून जातो..." सरकारी डॉक्टरवर पत्नीचे गंभीर आरोप, DNA चाचणीची मागणी

विम्याची रक्कम मिळवण्यासाठी रचला कट

हा खून नसून अपघात वाटावा यासाठी आरोपींनी यशवंतची दुचाकी रस्त्याखाली फेकून दिली आणि त्याला मरण्यासाठी सोडून तिथून पळ काढला. मात्र, सुदैवाने यशवंतचा जीव वाचला आणि तो सध्या मृत्यूशी झुंज देत आहे. पोलिसांनी मंगळवारी सायंकाळी दोन्ही आरोपींना कारसह ताब्यात घेतले. चौकशीत त्यांनी आपला गुन्हा कबूल केला असून विमा रक्कम मिळवण्यासाठीच हा कट रचल्याचे सांगितले. सध्या दोन्ही आरोपींची रवानगी न्यायालयीन कोठडीत करण्यात आली असून पोलीस अधिक पुरावे गोळा करत आहेत.